ब्राझीलच्या दिग्गज फुटबॉलपटूवर जीवघेणा हल्ला, २९ गोळ्या झाडल्या!
ब्राझीलमधील एका नाईट क्लबच्या बाहेर एक पोलीस कर्मचारी फुटबॉलपटू इमर्सनसोबत फोटो काढत होता. त्यावेळी इमर्सनवर एक दरोडेखोराने त्याला लुटण्याच्या उद्देशाने हल्ला केला.
ब्राझीलचा (brazil) दिग्गज फुटबॉलपटूंपैकी (footballer) इमर्सन रॉयल (emerson royal) हा एका मोठ्या हल्ल्यातून वाचला आहे. एका दरोडेखोराने इमर्सन रॉयलवर जीवघेणा हल्ला केला आहे. सुदैवाने इमर्सन रॉयल यातून सुखरूप बचावला. एका पोलीस कर्मचाऱ्याने इमर्नसनला या हल्ल्यातून वाचवले आहे. स्थानिक वेळेनुसार रात्री तीन वाजता ही गंभीर घटना घडली.
ब्राझीलमधील एका नाईट क्लबच्या बाहेर एक पोलीस कर्मचारी फुटबॉलपटू इमर्सनसोबत फोटो काढत होता. त्यावेळी इमर्सनवर एक दरोडेखोराने त्याला लुटण्याच्या उद्देशाने हल्ला केला. इमर्सनला बंदूक दाखवत त्याच्याकडील पैसे मागितले. मात्र, तिथे उपस्थित पोलीस ऑफीसरने आपला जीव धोक्यात घालून इमर्सनला या संकटातून वाचवले आहे. यावेळी पोलीस आणि त्या दरोडेरामध्ये २९ राऊंड फायरिंग झाली. या फारिंगमध्ये दरोडेखोर गंभीर जखमी झाला आहे. त्याला रुग्णालयात नेण्यात आले असून त्याची प्रकृती स्थिर आहे.
या घटनेनंतर इमर्सनने इंस्टाग्रामवर एक पोस्ट लिहिली आहे, त्यात त्याने पोलीस कर्मचाऱ्याचे आभार मानले आहेत. तो म्हणाला की, 'मी तुमचा सदैव ऋणी राहीन, देव सदैव तुमच्या सारखे देवदूत या पृथ्वीवर पाठवत राहतो. याचा पुरावा मला आज माझ्या आयुष्यात मिळाला आहे'.
संबंधित बातम्या
विभाग