Asian Games 2023 : भारतीय पोरींनी तिरंदाजीत दाखवला दम, चीनचा धुव्वा उडवत जिंकलं सुवर्ण पदक
Asian Games 2023 : अदिती, ज्योती आणि प्रनीत या जोडीने महिलांच्या कंपाउंड तिरंदाजीत सुवर्णपदक पटकावले आहे. अंतिम फेरीत भारतीय संघाने चायनीज तैपेईचा २३०-२२८अशा फरकाने पराभव केला.
asian games 2023 : आशियाई क्रीडा स्पर्धेत भारताने १९ वे सुवर्णपदक जिंकले आहे. महिलांच्या तिरंदाजीच्या कंपाउंड प्रकारात ज्योती, अदिती आणि प्रनीत या त्रिकुटाने अंतिम फेरीत चायनीज तैपेईचा २३०-२२८ असा पराभव केला. एकूणच, या आशियाई क्रीडा स्पर्धेत भारताचे हे ८२ वे पदक आहे.
भारताकडे किती पदके आहेत?
सुवर्ण : १९
रौप्य : ३१
कांस्य: ३२
एकूण: ८२
बॅडमिंटनमध्ये सिंधूचा पराभव
बॅडमिंटनमध्ये पीव्ही सिंधूला महिला एकेरीच्या उपांत्यपूर्व फेरीत पराभवाला सामोरे जावे लागले आहे. बिंगजियाओने त्याला २१-१६, २१-१२ अशा फरकाने पराभूत केले. या पराभवासह पीव्ही सिंधूचा आशियाई क्रीडा स्पर्धेतील प्रवास संपला आहे.
चीनमधील हांगझोऊ येथे सुरू असलेल्या आशियाई क्रीडा स्पर्धेचा आज (५ ऑक्टोबर) १२ वा दिवस आहे. काल (४ ऑक्टोबर) भारताने ३ सुवर्णांसह एकूण १२ पदके जिंकली होती. यामध्ये नीरज चोप्राने भालाफेकमध्ये सुवर्ण, तर लव्हलिना बोरेगेहानने बॉक्सिंगमध्ये रौप्य पदक जिंकले. १२ व्या दिवशी अॅथलेटिक्ससह इतर अनेक खेळांमध्ये भारताला आणखी पदके मिळण्याची अपेक्षा आहे.
भारताच्या रिेले टीमला सुवर्ण पदक
एशियन गेम्स 2023 मध्ये काल (४ ऑक्टोबर) पुरुषांच्या ४x४०० रिले शर्यतीत भारताने मोठी कामगिरी केली. भारतीय पुरुष संघाने ४०० मीटर रिले शर्यतीत सुवर्णपदक पटकावले. भारतीय संघाने ३:०१.५८ मिनिटांत शर्यत पूर्ण करून सुवर्णपदकावर कब्जा केला. मुहम्मद अनस, अमोज जेकब, मुहम्मद अजमल आणि राजेश रमेश या संघाने सुवर्णपदक जिंकले.
संबंधित बातम्या