पुरुष असून महिलांच्या स्पर्धेत खेळणारी अल्जेरियाची वादग्रस्त बॉक्सर इमान खलीफे नेमकी आहे कोण? जाणून घ्या

खलिफचा पंच इतका जबरदस्त होता की कॅरिनीने आपला जीव वाचवण्यासाठी सामन्यातून माघार घेण्याचा निर्णय घेतला. इमान खलीफमध्ये पुरुष गुणसूत्र असल्यामुळे हा वाद आहे.

यापूर्वीही वाद झाले आहेत

इमान खलीफ वादाच्या भोवऱ्यात येण्याची ही पहिलीच वेळ नाही. २०२३ च्या महिला जागतिक बॉक्सिंग चॅम्पियनशिपमध्ये पहिल्यांदाच खलीफच्या लिंगावरून वाद निर्माण झाला होता. आयबीएचे अध्यक्ष ओमर क्रेमलेव्ह यांनी खलिफला नवी दिल्ली येथे झालेल्या या स्पर्धेत सहभागी होण्यापासून रोखले होते. 

क्रेमलेव यांनी आपल्या वक्तव्यात म्हटले होते की, 'डीएनए चाचणीच्या आधारे आम्ही अनेक खेळाडूंना ओळखले ज्यांनी महिला असल्याचे भासवून प्रतिस्पर्ध्यांना फसवण्याचा प्रयत्न केला. टेस्टच्या निकालांनुसार, तिच्याकडे XY गुणसूत्र असल्याचे सिद्ध झाले. असे खेळाडू स्पर्धेतून बाहेर फेकले गेले.

IOC चे निवेदन आले

आंतरराष्ट्रीय ऑलिम्पिक समितीचे (IOC) प्रवक्ते मार्क ॲडम्स यांनी सांगितले की, खलीफच्या पासपोर्टवर महिला असे लिहिलेले आहे, त्यामुळे ती महिलांच्या स्पर्धेत सहभागी होत आहे. 

ते म्हणाले, 'महिला स्पर्धेत सहभागी होण्यासाठी सर्व खेळाडूंनी स्पर्धेसाठी निर्धारित केलेल्या पात्रता नियमांचे पालन केले आहे. तिच्या पासपोर्टवर ती महिला असल्याचे स्पष्टपणे नमूद करण्यात आले आहे. खलिफेने २०२० च्या टोकियो ऑलिम्पिकमध्येही भाग घेतला होता.

कोण आहे इमान खलीफ?

इमान खलीफ २५ वर्षांची आहे आणि अल्जेरियातील टियारेट शहरातील रहिवाशी  आहे. ती युनिसेफची ब्रँड ॲम्बेसेडर देखील आहे. तिच्या वडिलांनी मुलींसाठी बॉक्सिंग योग्य मानले नाही, परंतु खलीफला जगातील सर्वात मोठ्या मंचावर सुवर्णपदक जिंकून नवीन पिढीला प्रेरित करायचे होते.

खलीफेने तिच्या बॉक्सिंग करिअरची सुरुवात २०१८ वर्ल्ड चॅम्पियनशिपमध्ये केली, जिथे ती १७ व्या स्थानावर राहिली. 

२०२१ टोकियो ऑलिंपिकमध्ये, खलीफेला उपांत्यपूर्व फेरीत आयर्लंडच्या केली हॅरिंग्टनकडून पराभव पत्करावा लागला. महिला जागतिक बॉक्सिंग चॅम्पियनशिपमध्ये, खलीफेने एमी ब्रॉडहर्स्टकडून पराभूत होऊन दुसरे स्थान पटकावले. त्यानंतर २०२२ च्या आफ्रिकन चॅम्पियनशिपमध्ये तिने सुवर्णपदक पटकावले.