मराठी बातम्या  /  धर्म  /  Magh Gupt Navratri 2024 : माघ महिन्याची गुप्त नवरात्र कधी सुरू होत आहे? घटस्थापनेचा शुभ मुहूर्त कोणता? जाणून घ्या

Magh Gupt Navratri 2024 : माघ महिन्याची गुप्त नवरात्र कधी सुरू होत आहे? घटस्थापनेचा शुभ मुहूर्त कोणता? जाणून घ्या

Feb 02, 2024 08:58 PM IST

magh gupt navratri 2024 : हिंदू कॅलेंडरनुसार एका वर्षात ४ नवरात्री साजरी केल्या जातात. ही नवरात्र चैत्र, अश्विन, आषाढ आणि माघ महिन्यात येते. माघ महिन्यातील नवरात्रीला गुप्त नवरात्र म्हणतात.

magh gupt navratri 2024
magh gupt navratri 2024

हिंदू धर्मात नवरात्रीच्या सणाला विशेष महत्त्व आहे. या कालावधीत संपूर्ण ९ दिवस भक्त दुर्गेच्या ९ रूपांची खऱ्या भक्तिभावाने पूजा करतात. मातेच्या आशीर्वादाचा महिमा इतका दिव्य आहे की ती आपल्या भक्तांचे प्रत्येक संकट आणि अडचणी नाहीशा करते. 

हिंदू कॅलेंडरनुसार एका वर्षात ४ नवरात्री साजरी केल्या जातात. ही नवरात्र चैत्र, अश्विन, आषाढ आणि माघ महिन्यात येते. माघ महिन्यातील नवरात्रीला गुप्त नवरात्र म्हणतात.

ट्रेंडिंग न्यूज

या नवरात्रीत १० महाविद्येचे गुपचूप आचरण करून भाविक दुर्गा मातेचा आशीर्वाद घेतात. माघातील ही नवरात्र शक्ती उपासनेसाठी अतिशय शुभ मानली जाते. माघ महिन्याची ही नवरात्र कधी सुरू होणार आहे, माघ नवरात्री किती दिवस साजरी होणार आहे आणि माघ नवरात्रीच्या घटस्थापनेचा शुभ मुहूर्त कोणता आहे? ते जाणून घेऊया.

माघ नवरात्र कधीपासून कधीपर्यंत?

हिंदू कॅलेंडरनुसार, माघ गुप्त नवरात्री शनिवारपासून (१० फेब्रुवारी) सुरू होईल आणि रविवारी (१८ फेब्रुवारी) समाप्त होईल. ही गुप्त माघ नवरात्री पूर्ण ९ दिवस साजरी केली जाईल. ज्यामध्ये देवीच्या ९ रूपांची गुप्तपणे पूजा केली जाते.

गुप्त नवरात्री घटस्थापना शुभ मुहूर्त

माघ नवरात्री घटस्थापना दिवस - १० फेब्रुवारी २०२४  (शनिवार)

घटस्थापनेसाठी शुभ मुहूर्त - घटस्थापनेचा पहिला शुभ मुहूर्त सकाळी ८.४५ ते १०.१० वाजेपर्यंत असेल. याचा एकूण कालावधी १ तास २५ मिनिटे असेल.

अभिजीत मुहूर्त- दुसऱ्या घटस्थापनेचा शुभ मुहूर्त दुपारी १२.१३ ते १२.५८ वाजेपर्यंत असेल. याचा कालावधी एकूण ४४ मिनिटांचा असेल.

नवरात्रीच्या पहिल्या दिवशी कलशाची स्थापना केली जाते. कलशाची स्थापना करताना दुर्गा देवीचे आवाहन केले जाते. याला घटस्थापना म्हणतात. गुप्त नवरात्रीच्या दिवशी घटस्थापनेसाठी या दोन शुभ मुहूर्त आहेत. घटस्थापना यापैकी कोणत्याही शुभ मुहूर्ताला करता येते.

देवीच्या दहा महाविद्या पुढीलप्रमाणे

गुप्त नवरात्रीत या १० महाविद्यांची पूजा केली जाते. दहा महाविद्या देवी पुढीलप्रमाणे - काली, तारा, छिन्नमस्ता, षोडशी, भुवनेश्वरी, त्रिपुरा भैरवी, धुमावती, बगलामुखी, मातंगी किंवा कमला.दुर्गा मातेच्या या १० महाविद्यांचे पूजन केल्याने मनुष्याला विशेष सिद्धी प्राप्त होते आणि जीवनातील दु:ख दूर होतात, असे मानले जाते.

 

 

 

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)

WhatsApp channel
विभाग