Dhantrayodashi : धनत्रयोदशीच्या दिवशी झाडू का लपवतात? जाणून घ्या कारण

या दिवशी भगवान धन्वंतरीचा जन्म झाला होता असे म्हटले जाते, म्हणून याला धनत्रयोदशी म्हणतात. त्यांना आयुर्वेदाचे जनक देखील म्हटले जाते. पौराणिक कथेनुसार असे म्हटले जाते की, समुद्रमंथनाच्या वेळी भगवान धन्वंतरी प्रकट झाले होते, त्यावेळी त्यांच्या एका हातात अमृतलाश, दुसऱ्या हातात आयुर्वेदिक ग्रंथ, तिसऱ्या हातात औषधी भांडे आणि चौथ्या हातात औषधी वनस्पती होत्या. त्यामुळे धनत्रयोदशीच्या दिवशी भगवान धन्वंतरीची पूजा केली जाते.

धनत्रयोदशीच्या दिवशी झाडू खरेदी करण्याची परंपरा आहे, त्यामागचे कारण म्हणजे झाडूला देवी लक्ष्मी मातेचे प्रतीक मानले जाते. चुकून कोणाचा पाय झाडूला लागला तर त्याला स्पर्श करुन नमस्कार केला जातो. झाडू तुमचे घर स्वच्छ ठेवते आणि देवी लक्ष्मी स्वच्छ घरातच वास करते. धनत्रयोदशीला झाडू खरेदी केल्याने वर्षभर घरात आशीर्वाद राहतात, असेही म्हटले जाते.

अनेक ठिकाणी लोक घरात झाडू लपवून ठेवतात. ज्याप्रमाणे आपण घरातील लक्ष्मी म्हणजेच आपले दागिने आणि पैसा इतरांच्या नजरेपासून दूर ठेवतो, त्याचप्रमाणे झाडू देखील घरामध्ये सर्वांच्या नजरेपासून दूर ठेवावा, असे म्हटले जाते. एवढेच नाहीतर धनत्रयोदशीला झाडूची पूजा केली जाते. घरातील कचरा झाडूऐवजी हाताने स्वच्छ करा, झाडू वापरू नका. पलंगाखाली झाडू ठेवणे टाळा. घरात तुटलेला झाडू ठेवू नका. झाडू जुना झाला तर बाहेर कुठेतरी ठेवा, पण खराब झाडू घरात ठेवू नका.

Diwali 2023 : यंदा दिवाळी कधी? धनत्रयोदशी ते भाऊबीज! जाणून घ्या सगळे मुहूर्त

सोने- चांदी खरेदी करण्याचा शुभ मुहूर्त

हिंदू धर्मात सर्व शुभ कार्य मुहूर्तानुसार केले जाते, ज्यामुळे कोणतेही कामे अडथळाशिवाय पूर्ण व्हावीत. या वर्षी धनत्रयोदशीला खरेदीसाठी शुभ मुहूर्त १० नोव्हेंबर रोजी दुपारी १२:३५ ते ११ नोव्हेंबर दुपारी १:५७ पर्यंत असेल. या शुभ मुहूर्तावर सोने- चांदीसह अनेक गोष्टी खरेदी केल्या जाऊ शकतात.