Brahma Muhurta : ब्रह्म मुहूर्त म्हणजे काय? या काळात उठण्याचे फायदे काय? जाणून घ्या
What is Brahma muhurta : ब्रह्म मुहूर्त म्हणजे सूर्योदयापूर्वीची वेळ. ब्रह्म मुहूर्त सूर्योदयाच्या अंदाजे १ तास ३६ मिनिटे आधी सुरू होते. हा काळ ऋतूनुसार देखील बदलतो.
हिंदू धर्मात ब्रह्म मुहूर्ताचे विशेष महत्त्व सांगण्यात आले आहे. धर्मग्रंथ, वेद पुराण आणि आपल्या ऋषीमुनींनी ब्रह्म मुहूर्तावर जागरण करणे अत्यंत लाभदायक असल्याचे सांगितले आहे. जर तुम्ही ब्रह्म मुहूर्तावर उठलात तर तुम्हाला सौंदर्य, शक्ती, ज्ञान, बुद्धी आणि आरोग्य मिळते. तुमचा संपूर्ण दिवस उर्जेने भरलेला असतो आणि तुम्हाला प्रत्येक गोष्टीत यश मिळते.
ब्रह्म मुहूर्त म्हणजे सूर्योदयापूर्वीची वेळ. ब्रह्म मुहूर्त सूर्योदयाच्या अंदाजे १ तास ३६ मिनिटे आधी सुरू होते. हा काळ ऋतूनुसार देखील बदलतो. या काळात लोक उठून देवाची पूजा करतात, आध्यात्मिक कामे करतात, तसेच, व्यायाम करतात.
ब्रह्म मुहूर्त म्हणजे रात्रीचा शेवटचा तास
ब्रह्म मुहूर्ताचा काळ सूर्योदयानुसार बदलतो. ब्रह्म मुहूर्त हा रात्रीचा शेवटचा तास मानला जातो, म्हणजे जेव्हा रात्र संपते आणि सकाळ सुरू होते. पहाटे ४ ते ५:३० या वेळेला ब्रह्म मुहूर्त म्हणतात.
लोकांना या काळात पूजा करण्याचा आणि सकारात्मक विचार करण्याचा सल्ला दिला जातो, कारण या काळात केलेले कार्य यशस्वी होते.
ब्रह्म मुहूर्त का महत्त्वाचा आहे?
ब्रह्म मुहूर्तामध्ये जीवन बदलण्याची अफाट शक्ती आहे. आध्यात्मिक शुद्धतेमुळे हा काळ अत्यंत महत्त्वाचा आहे. याशिवाय, त्याच्या शांत, प्रसन्न वातावरणामुळे लोकांना आराम देण्याची ताकद आहे. ब्रह्म मुहूर्ताचे शांत वातावरण आणि ऊर्जा आध्यात्मिक साधनेसाठी सर्वोत्तम मानली जाते. हा काळ कोणत्याही सरावासाठी खूप महत्त्वाचा असतो. त्यामुळे विद्यार्थ्यांसाठी हा काळ खूप खास आहे.
ब्रह्म मुहूर्तावर शारिरीक प्रस्थापित करू नका
ब्रह्म मुहूर्तावर चुकूनही प्रेमसंबंध प्रस्थापित करू नयेत, कारण हा देवाचा काळ आहे. आयुर्वेदाच्या दृष्टीकोनातून, यावेळी सेक्स केल्याने शरीरात अनेक प्रकारचे रोग आणि दोष निर्माण होतात.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)
