मराठी बातम्या  /  धर्म  /  Nameplate Vastu Tips : घर किंवा ऑफिसच्या बाहेर नेम प्लेट लावताना या गोष्टी लक्षात ठेवा, खूप प्रगती होईल

Nameplate Vastu Tips : घर किंवा ऑफिसच्या बाहेर नेम प्लेट लावताना या गोष्टी लक्षात ठेवा, खूप प्रगती होईल

Rohit Bibhishan Jetnavare HT Marathi
Feb 29, 2024 08:58 PM IST

Nameplate Vastu Tips : वास्तूनुसार घराच्या प्रत्येक कोपऱ्यात आणि तिथे ठेवलेल्या वस्तूंमध्ये एक विशिष्ट ऊर्जा असते, ज्याचा तुमच्या जीवनावर परिणाम होतो. जर तुम्ही तुमच्या घराच्या किंवा ऑफिसच्या बाहेर नावाची पाटी लावली तर त्याचा परिणाम सर्व सदस्यांवर होतो.

Nameplate Vastu Tips
Nameplate Vastu Tips

वास्तुशास्त्रामध्ये प्रत्येक वस्तूची दिशा आणि योग्य स्थान सांगितले आहे. वास्तुशास्त्रात अशा अनेक गोष्टी सांगितल्या आहेत, ज्या लक्षात ठेवून आणि नियमानुसार केल्या तर आपले भाग्य उजळू शकते. तसेच, घरात समृद्धी येऊन आपल्या जीवनात प्रगतीच्या मार्गावर मार्गक्रमण करेल. 

वास्तूनुसार घराच्या प्रत्येक कोपऱ्यात आणि तिथे ठेवलेल्या वस्तूंमध्ये एक विशिष्ट ऊर्जा असते, ज्याचा तुमच्या जीवनावर परिणाम होतो. जर तुम्ही तुमच्या घराच्या किंवा ऑफिसच्या बाहेर नावाची पाटी लावली तर त्याचा परिणाम सर्व सदस्यांवर होतो. कधी कधी चुकीच्या दिशेने लावलेली नेम प्लेट तुमच्या आयुष्यात वास्तुदोष निर्माण करू शकते. त्यामुळे घर किंवा ऑफिसच्या बाहेर नेम प्लेट लावताना काही खास गोष्टी लक्षात ठेवल्या पाहिजेत.

नेम प्लेट लावताना या गोष्टी लक्षात ठेवा

  • नावाची पाटी घराच्या किंवा कार्यालयाच्या मुख्य प्रवेशद्वारावर लावावी.
  • नेम प्लेट दरवाजाच्या वर किंवा भिंतीच्या कोपऱ्यात उंच ठिकाणी लावा.
  • वास्तुशास्त्रानुसार नावाची पाटी उत्तर आणि पूर्व दिशेला लावावी, या दिशा शुभ असतात. यामुळे घरात सकारात्मक ऊर्जा वाढते.
  • नेमप्लेटवर फक्त २ ओळींमध्ये नाव लिहिलेले असावे आणि ते नीटनेटके असावे.
  • तुम्हाला हवे असल्यास, तुम्ही नेम प्लेट उजव्या बाजूला देखील लावू शकता. वास्तूनुसार ही दिशा देखील शुभ मानली जाते.
  • वास्तूनुसार, गोलाकार, त्रिकोणी आणि विषम आकाराच्या नेम प्लेट्स घर किंवा ऑफिसमध्ये लावणे उत्तम आहे.
  • नेमप्लेटमध्ये कोणतेही डॅमेज किंवा छिद्र असू नये. यामुळे नकारात्मक ऊर्जा घरात येते.
  • घराच्या प्रमुखाच्या राशी आणि रंगाच्या आधारावर नावाची पाटी लावणे शुभ मानले जाते.

Guruwar Upay : गुरुवारी हे सोपे उपाय केल्यास आर्थिक लाभ होईल, धनाचा वर्षाव होईल, पाहा

  • नामफलकाचा रंग पांढरा, हलका पिवळा आणि भगव्यासारखा असावा.
  • नेमप्लेटवर निळा, काळा, राखाडी असे रंग वापरणे टाळावे.
  • नामफलकावर गणपती आणि स्वस्तिकचे चिन्ह असल्यास ते शुभ मानले जाते.
  • आजकाल लोक लाकडी नावाच्या पाट्या वापरतात, याशिवाय तांबे, स्टील किंवा पितळापासून बनवलेल्या नेम प्लेट्स देखील शुभ मानल्या जातात.

 

 

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)

WhatsApp channel

विभाग