Utpatti Ekadashi : उत्पत्ति एकादशी कधी आहे? जाणून घ्या मुहूर्त, साहित्य आणि पूजा विधी

उत्पत्ति एकादशी कधी आहे? 

यावर्षी उत्पत्ति एकादशी २६ नोव्हेंबर २०२४ रोजी साजरी केली जाणार आहे. उदय तिथीनुसार २६ नोव्हेंबर रोजी उत्पत्ति एकादशीचे व्रत करता येते.

उत्पत्ति एकादशी शुभ मुहूर्त :

एकादशी तिथी प्रारंभ - २६ नोव्हेंबर २०२४ रोजी सकाळी ०१ वाजून ०१ मिनिटे. 

एकादशी तिथी समाप्ती - २७ नोव्हेंबर २०२४ रोजी पहाटे ०३ वाजून ४७ मिनिटे.

पारण वेळ - दुपारी १ वाजून १२ मिनिटे ते ०३ वाजून १८ मिनिटापर्यंत.

तिथी हरिवसर समाप्तीची वेळ - सकाळी १० वाजून २६ मिनिटे.

उत्पत्ती एकादशी हे नाव कसे पडले ?

एकादशी ही एक देवी असून, तिचा अवतार भगवान श्री विष्णूंमुळे झाला होता. एकादशी देवी कार्तिक वद्य एकादशी दिवशी प्रकट झाली होती. यामुळे कार्तिक वद्य एकादशीचे नाव उत्पत्ती एकादशी असे पडले. या दिवसापासून एकादशीचे व्रत सुरु झाले, असे सांगितले जाते.

पूजा विधी साहित्य :

रक्षासूत्र, चंदन, अक्षत, फळे, फुलांच्या माळा, अगरबत्ती, गंगाजल, तूप, तुळशीची पाने, पंचामृत व सौभाग्याच्या वस्तू, प्रसाद इ.

Maha Kumbha Mela: महाकुंभमेळा कधी आणि कुठे होणार? जाणून घ्या कुंभ आणि महाकुंभमध्ये काय आहे फरक!

उत्पत्ती एकादशी पूजा विधी :

सकाळी लवकर उठून स्नान करा. यानंतर देवघराची स्वच्छता करून देवपूजा करा.  भगवान श्री हरि विष्णूंचा गंगाजलाने जलाभिषेक करा. देवाला पिवळे चंदन आणि पिवळी फुले अर्पण करा, मंदिरात तुपाचा दिवा लावा. शक्य असल्यास उपवास ठेवा आणि उपवास करण्याचा संकल्प करा. उत्पत्ति एकादशीच्या व्रतकथेचे पठण करा.

ॐ नमो भगवते वासुदेवाय या मंत्राचा जप करा. भगवान श्री हरी विष्णू आणि लक्ष्मी यांची पूर्ण भक्तीभावाने आरती करा. नैवेद्यात तुळशीचे पान ठेऊन भगवंताला अर्पण करा आणि शेवटी क्षमा प्रार्थना करा.