Tulsi Vivah: तुळशी विवाहाला जुळून येतायेत ३ शुभ योग; 'हे' उपाय केल्याने वैवाहिक जीवनात होईल भरभराट!

Tulsi Vivah 2023: कार्तिक महिन्याच्या शुक्ल पक्षातील द्वादशी तिथीला प्रदोष काळात तुळशी विवाह साजरा केला जातो. या दिवशी सूर्यास्तानंतर तुळशीजींचा विवाह शालिग्रामजींशी होतो. धार्मिक विधीनुसार तुळशी विवाह केल्याने त्याच्या वैवाहिक जीवनात अडचणी येत नाहीत आणि नात्यात प्रेम आणि गोडवा वाढतो. यावर्षी २४ नोव्हेंबर २०२३ रोजी तुळशीचा विवाह केला जाणार आहे. यंदा तुळशी विवाहच्या दिवशी अमृत सिद्धी योगासह तीन अद्भुत योग जुळून येत आहेत. या दिवशी वैवाहिक जीवनात सुखासाठी अनेक विशेष उपाय केले जातात.

तुळशी विवाहासाठी शुभ मुहूर्त

यावर्षी कार्तिक महिन्यातील शुक्ल पक्षातील द्वादशी तिथी २३ नोव्हेंबर रोजी रात्री ०९.०२ वाजता सुरू होईल आणि २४ नोव्हेंबर रोजी रात्री ०७.०५ वाजता समाप्त होईल. उदय तिथीनुसार २३ नोव्हेंबरला तुळशी विवाह साजरा केला जाणार आहे. प्रदोष काळात तुळशी विवाह आयोजित केला जातो. तुळशी विवाहाच्या दिवशी सायंकाळी ५.२५ पासून प्रदोष काल सुरू होत आहे.

तुळशी विवाहाच्या दिवशी जुळून येणारे ३ योग

१) अमृत ​​सिद्धी योग

तुळसी विवाहाच्या दिवशी सकाळी ६.५१ वाजल्यापासून अमृत सिद्धी योगाला सुरुवात होत आहे, जो संध्याकाळी ०४.०० वाजता संपणार आहे.

२) सर्वार्थ सिद्धी योग

यावर्षी तुळसी विवाहाच्या निमित्ताने दिवसभर सर्वार्थ सिद्धी योग असेल. या योगात केलेली धार्मिक कार्य अत्यंत शुभ मानली जातात.

३) सिद्धी योग:

२०२३ मध्ये कार्तिक महिन्यातील द्वादशी तिथीलाही सिद्धी योग जुळून येत आहे, जो २४ नोव्हेंबर रोजी सकाळी ०९.०५ वाजता समाप्त होईल.

Kartiki yatra : विठ्ठलाचे दर्शन आता २४ तास! कार्तिकी यात्रेनिमित्त निर्णय, व्हीआयपी, ऑनलाईन दर्शन सेवा बंद

पौराणिक कथा

आषाढ शुक्ल पक्षातील देवशयनी एकादशीच्या दिवशी श्री हरी विष्णू चार महिने योग निद्रामध्ये लीन होतात आणि कार्तिक महिन्याच्या देवूथनी एकादशीला जागे होतात. भगवान विष्णूच्या जागरणानंतर तुळशीचा शिलाग्राम अवताराशी विवाह करण्यात आला.