Lakshmi Pujan Muhurt: अमावस्येमुळे २ दिवसांची दिवाळी, आज संध्याकाळी ६.२७ वाजल्यापासूनच सुरू होईल लक्ष्मीपूजन
Today Diwali Laxmi Puja Muhurat for Home, Factory and Office: आज देशभरात दिवाळीचा सण साजरा केला जात आहे. या दिवशी घरे, कार्यालये आणि कारखान्यांमध्ये लक्ष्मीपूजन केले जाते. जाणून घ्या आज दिवाळीनिमित्त गणेश-लक्ष्मी पूजन मुहूर्त, पूजा विधी, मंत्र आणि इतर महत्त्वाच्या गोष्टी-
Today Diwali Laxmi Puja Muhurat for Home, Factory and Office: आज देशभरात दिवाळीचा सण साजरा केला जात आहे. या दिवशी घरे, कार्यालये आणि कारखान्यांमध्ये लक्ष्मीपूजन केले जाते. जाणून घ्या आज दिवाळीनिमित्त गणेश-लक्ष्मी पूजन मुहूर्त, पूजा विधी, मंत्र आणि इतर महत्त्वाच्या गोष्टी-
Diwali 2024 Puja Vidhi, Ganesh Laxmi Puja Muhurat and Mantra: अमावास्या आज आणि उद्या, अशी दोन दिवस असल्याने यंदा दिवाळीबाबत बराच संभ्रम निर्माण झाला होता. काशी विद्वत परिषद, धर्माचार्यांपाठोपाठ शंकराचार्य अविमुक्तेश्वरानंद यांनीही ३१ ऑक्टोबरला दिवाळी साजरी करण्याचे म्हटलेले आहे. यामागचा मुख्य तर्क असा की, ३१ ऑक्टोबरला रात्रिव्यापिनी अमावस्या आहे, जी १ नोव्हेंबरला नाही. मात्र १ नोव्हेंबरला, उदयव्यापिनी अमावस्या असल्याने १ नोव्हेंबरला दिवाळी साजरी करण्याचा युक्तिवादही काही अभ्यासक करत आहेत. यंदा अमावास्येचे दोन दिवस असल्याने पाच दिवसांच्या या सणाचे रूपांतर सहा दिवसांत झाले आहे.
अशा प्रकारे होणार दीपदान
● पहिले पाच दिवे प्रज्वलित केले जातील. यातील एक दिवा स्वयंपाकघरात, एक वॉशरूममध्ये, एक घराच्या उंबरठ्यावर आणि दोन दिवे पूजेच्या ठिकाणी असतील. हे असतील तेलाचे दिवे
● यानंतर ११ दिवे प्रज्वलित केले जातील ज्यामुळे घर आणि पूजेचे स्थळ उजळून निघेल
● दोन दिवे अखंड असतील. यामध्ये मोहरीच्या तेलाचा दिवा आणि तुपाचा एक दिवा असेल. मोहरीचा दिवा डाव्या हाताला असेल.
महामंत्र
ओम श्रीं श्रीं श्रीं हूं या ओम श्रीं कमलासिन्यै नमो नम
धन प्राप्ती मंत्र
ओम श्रीं श्रीये नमः (कमळगट्टा माळेद्वारे)
(देवी सूक्तम, कनकधारा स्तोत्र आणि लक्ष्मी सूक्तम चे पठण करून देवी लक्ष्मीजीची पूजा करा). महालक्ष्मीची पूजा वेगळी न करता ती भगवान श्रीविष्णूसोबतच करावी.)
म्हणून ३१ ऑक्टोबर रोजी साजरी होणार दिवाळी
श्री काशी विश्वनाथ मंदिर न्यासाचे अध्यक्ष प्रो. नागेंद्र पांडे यांनी दिलेल्या माहितीनुसार, अमावस्या ३१ ऑक्टोबर रोजी दुपारी ०३ वाजून ५२ मिनिटांनी सुरू होईल आणि ०१ नोव्हेंबर रोजी संध्याकाळी ०६ वाजून १६ मिनिटांनी संपेल. ३१ ऑक्टोबरला रात्रभर अमावस्या असणार आहे. दिवाळी फक्त रात्रीच असते. तेव्हा महालक्ष्मी पूजन व निशा पूजन केले जाते. स्थिर लग्न महत्त्वाचे आहे. स्थिर लग्नातच लक्ष्मीची पूजा करण्याचा नियम आहे. ही सर्व सुविधा ३१ तारखेला उपलब्ध आहे.
स्पर्धा परीक्षा व करिअरसाठी पूजा
सायंकाळी ६.४८ ते ८.४८
(ओम श्रीं श्रीं हूं मंत्राचा जप, कमळगट्टा माळेद्वारे)
घरातील पूजेची उत्तम वेळ
सायंकाळी ६.२७ ते रात्री ८.३० (स्थिर लग्न)
अमृत चोघडियासोबतच स्थिर लग्न (वृषभ)
दिवाळी महानिशिथ काल पूजा मुहूर्त
रात्री १२ वाजून ५३ मिनिटांपासून ते दुपारी ०३ वाजून ०९ मिनिटांपर्यंत
व्यावसायिक आस्थापना
सकाळी १०.८ ते १२ (शुभ धनु लग्न)
दुपारी १२.१५ ते १.३० लाभ चोघडिया मुहूर्त
दुपारी ३ ते ३.३० - स्थिर लग्न मुहूर्त
सायंकाळी ०५ वाजल्यापासून ते ६.३० वाजेपर्यंत
सायंकाळी ०७ वाजून १५ मिनिटांपासून ते रात्री ०८ वाजून ४५ मिनिटांपर्यंत
पूजेचा मुहूर्त (३१ ऑक्टोबर)
ज्योतिषाचार्य विभोर इंदुसुत यांच्यानुसार शुभ मुहूर्त प्रदोष काळ व स्थिर लग्न प्रधानता विशेष असते. त्यामुळे दिवाळीत पूजेची उत्तम वेळ सायंकाळी ०६ वाजून २७ मिनिटांपासून ते रात्री ०८ वाजून २३ मिनिटांपर्यंत आहे. घरे व आस्थापनांमध्ये लक्ष्मीपूजनासाठी श्री समृद्धी कामनेने सायंकाळी ०१ तास ५७ मिनिटांचा वेळ मिळत आहे.
दिवाळी पूजा विधी –
● सर्वप्रथम घरातील पूजेचे ठिकाण नीट स्वच्छ करावे
● लाकडी चौकीवर लाल कापड पसरवावे
● कापडावर अक्षत अर्थात संपूर्ण तांदळाचा थर पसरवा
● त्यावर श्री लक्ष्मी गणेशाची मूर्ती स्थापित करा
● चांदीचे नाणे आणि श्रीयंत्र असेल तर त्याची प्रतिष्ठापना करा
● सर्वप्रथम गणपतीची पूजा करा
● यानंतर महालक्ष्मीची पूजा करा
● लक्ष्मी, गणेशाच्या पूजेसाठी तुपाचा दिवा बनवा
● इतर दिव्यांमध्ये मोहरीचे तेल वापरू शकता.
दोन दिवसीय अमावस्या
ज्योतिषाचार्य पंडित सुरेंद्र शर्मा, राहुल अग्रवाल, रुची कपूर आणि अमित गुप्ता यांच्यानुसार, अमावस्येच्या योगात दिवाळीची पूजा होते आणि प्रदोष काल आणि अमावस्या संध्याकाळपासून पूर्ण रात्रीपर्यंत असावी. अशी आमावस्या आज ३१ ऑक्टोबरला येत आहे. अमावस्येच्या दोन दिवस असल्याने गोंधळाची स्थिती निर्माण झाली आहे.
१ नोव्हेंबरला दिवाळी साजरा करण्याचा युक्तिवाद
ज्योतिषाचार्य भारत भूषण यांच्यासह काही अभ्यासकांचे म्हणणे आहे की, १ नोव्हेंबरला सूर्यास्तानंतरही सायंकाळी ६ वाजून १६ मिनिटांपर्यंत अमावस्या असते, त्यामुळे निश्चितच पंचांगाच्या नियमानुसार १ नोव्हेंबरला रात्री व्यापिनी अमावस्या असेलच असेल.
संबंधित बातम्या