मराठी बातम्या  /  धर्म  /  Shrawan Somwar : यंदा श्रावण महिना २९ दिवसांचा, हे दुर्मिळ संयोग घडणार, शंकराचा आशिर्वाद लाभणार

Shrawan Somwar : यंदा श्रावण महिना २९ दिवसांचा, हे दुर्मिळ संयोग घडणार, शंकराचा आशिर्वाद लाभणार

Jun 27, 2024 09:18 PM IST

Shrawan Somwar 2024 Start Date : आषाढ संपताच सावन सुरू होईल. संपूर्ण श्रावण महिना, विशेषत: सोमवारी शिवपूजेसाठी खास असतो. तसेच, यावेळी श्रावण हा एक दुर्मिळ योगायोग घेऊन येत आहे.

Shrawan Somwar : यंदा श्रावण महिना २९ दिवसांचा, हे दुर्मिळ संयोग घडणार, शंकराचा आशिर्वाद लाभणार
Shrawan Somwar : यंदा श्रावण महिना २९ दिवसांचा, हे दुर्मिळ संयोग घडणार, शंकराचा आशिर्वाद लाभणार

Shrawan month 2024 Start Date : शिवभक्त दरवर्षी श्रावण महिन्याची आतुरतेने वाट पाहत असतात. श्रावणात केलेली शिवपूजा कधीही न संपणारे पुण्य प्रदान करते, असे मानले जाते. श्रावण महिन्यात भगवान शंकराचा रुद्राभिषेक केल्यास सर्व मनोकामना पूर्ण होतात.

ट्रेंडिंग न्यूज

यंदा २२ जुलैपासून सावन सुरू होत असून तो खूप खास मानला जात आहे. २०२४ मध्ये श्रावण का महत्त्वाचा आहे, कोणते शुभ संयोग घडत आहेत ते जाणून घेऊया.

सावन २९ दिवसांचा असेल

यंदा सावन २९ दिवसांचा असेल. श्रावण २२ जुलै (सोमवार) ते १९ ऑगस्ट २०२४ (सोमवार) पर्यंत राहील. विशेष म्हणजे श्रावणाचा प्रारंभ आणि शेवट सोमवारपासूनच होत आहे. श्रावण पौर्णिमा हा श्रावणाचा शेवटचा दिवस आहे, या दिवशी रक्षाबंधन साजरे केले जाते. यंदा रक्षाबंधनदेखील श्रावण सोमवारी असेल.

श्रावण सोमवार का महत्त्वाचे असतात?

भगवान भोलेनाथ आणि माता पार्वतीची पूजा केल्याने इच्छित वरदान मिळते. वैवाहिक जीवनातील अडथळे, संतती सुख, आर्थिक लाभ, रोग यापासून मुक्ती मिळण्यासाठी सावन सोमवारचे व्रत खूप फायदेशीर मानले जाते. भगवान शिवाच्या या आवडत्या महिन्यात विवाहित स्त्रिया सौभाग्यासाठी संपूर्ण श्रावण सोमवार उपवास करतात आणि पूजा करतात. सावन सोमवार हा भोलेनाथांना प्रसन्न करण्याचा दिवस आहे. यामध्ये केलेली पूजा आणि नियम लवकर फळ देतात.

श्रावण महिना का साजरा केला जातो?

मार्कंडेय ऋषींनी दीर्घायुष्यासाठी सावन महिन्यात कठोर तपश्चर्या करून भगवान शंकराचा आशीर्वाद प्राप्त केला होता, त्यामुळे अल्पायुषी मार्कंडेय अमर झाला.

समुद्रमंथनही श्रावण महिन्यातच झाले होते. त्यावेळी शंकारने हलाहल विष प्यायल्याने त्यांना वेदना होऊ लागल्या, त्यानंतर त्यांनी जल अर्पण केल्याने शिवाची वेदना शांत झाली. तेव्हापासून भगवान शिवाला पाणी खूप प्रिय आहे. श्रावणात जलाभिषेक करणाऱ्यांचे सर्व त्रास भोलेनाथ दूर करतात.

श्रावण महिन्यातच भगवान शिव पृथ्वीवर अवतरले आणि त्यांच्या सासरी गेले होते. तिथे जलाभिषेक करून त्यांचे स्वागत करण्यात आले. प्रत्येक श्रावणात भगवान शिव त्यांच्या सासरच्या घरी येतात. भक्तांवर आशीर्वादाचा वर्षाव करतात.

WhatsApp channel
विभाग