Sarva Pitru Amavasya : सर्वपित्री अमावस्येला करा फक्त हे ४ काम, पित्र होतील प्रसन्न
Sarva Pitru Amavasya 2024 : सर्व पितृ अमावस्येचा दिवस हा पितरांचा आशीर्वाद घेण्यासाठी शेवटचा दिवस मानला जातो. या दिवशी सर्व पितरांचे श्राद्ध, पिंडदान आणि तर्पण केले जाते. या दिवशी काय केल्याने पित्र प्रसन्न होईल जाणून घ्या.
Sarva Pitru Amavasya 2024 : सर्वपित्री अमावस्या हा श्राद्ध पक्षाचा शेवटचा दिवस मानला जातो. या दिवशी ज्या पितरांची मृत्यू तारीख माहित नाही त्यांचे श्राद्ध केले जाऊ शकते. याशिवाय अज्ञात आणि अकाली मृत्यू झालेल्यांच्या आत्म्याला शांती मिळावी यासाठी या दिवशी श्राद्ध आणि तर्पण विधी केले जातात.
पंचांगानुसार या वर्षी बुधवार २ ऑक्टोबरला सर्वपित्री अमावस्या आहे. पंचांगानुसार, भाद्रपद महिन्यातील अमावस्या तिथी १ ऑक्टोबर २०२४ रोजी रात्री ९ वाजून ३८ मिनिटांनी सुरू होईल आणि ३ ऑक्टोबर रोजी दुपारी १२ वाजून १९ मिनिटांनी संपेल.
सर्वपित्री अमावस्या श्राद्ध विधी
पितरांना तर्पण अर्पण करताना दक्षिण दिशेकडे तोंड करावे. यानंतर, तीन मुठी वापरून, आपल्या अंगठ्याच्या आणि पहिल्या बोटाच्या मदतीने पाणी अर्पण करा. तर्पणसाठी कुश, अक्षदा, जव आणि काळे तीळ वापरावेत. यानंतर पितरांच्या प्रार्थना मंत्राचा जप करावा. ऋषींना जव आणि कुश अर्पण करा. यानंतर उत्तरेकडे तोंड करून जव आणि कुश यांचा नैवेद्य दाखवावा. शेवटी दक्षिण दिशेला तोंड करून पितरांना काळे तीळ आणि कुश अर्पण करा. पूजेत झालेल्या चुकीबद्दल क्षमा प्रार्थना करा. तर्पण केल्यानंतर गरजूंना अन्नदान करावे.
या दिवशी सर्व पितरांचे श्राद्ध केले जाते. त्यामुळे ही मोक्ष अमावस्या म्हणूनही ओळखली जाते. सर्वपित्री अमावस्येच्या दिवशी पितरांचा आशीर्वाद मिळविण्यासाठी काही विशेष कार्ये अत्यंत शुभ आणि फलदायी मानली जातात.
सर्वपित्री अमावस्येला काय करावे?
तर्पण :
सर्वपित्री अमावस्येच्या दिवशी पाण्यात काळे तीळ, कुश, जव आणि पांढरी फुले टाकून पितरांना नैवेद्य दाखवावा. असे केल्याने पितर प्रसन्न होतात असे मानले जाते.
पिंड दान:
सर्वपित्री अमावस्येच्या दिवशी तर्पण आणि पिंड दान करा. यासाठी तांदूळ, गाईचे दूध, तूप, गूळ आणि मध एकत्र करून त्याचे मिश्रण करून पितरांना अर्पण केल्यानंतर ते पाण्यात वाहून द्यावे.
गीता पाठ करा :
श्राद्ध पक्षात श्रीमद् भागवत गीतेचे पठण करणे अत्यंत शुभ मानले जाते. श्राद्ध पक्षाच्या काळात श्रीमद् भागवत कथा वाचल्याने किंवा श्रवण केल्यास पितरांना मोक्ष प्राप्त होतो, असे मानले जाते. सर्वपित्री अमावस्येच्या दिवशी गीता अवश्य पठण करा.
पंचबली कर्म :
श्राद्धात ब्राह्मण भोजन आणि पंचबली कर्माला खूप महत्त्व आहे. पंचबळीमध्ये पाच वेगवेगळ्या लोकांसाठी जेवण ठेवले जाते. सर्वपित्री अमावस्येच्या दिवशी पंचबली कर्म करावे, म्हणजे कावळा, मुंगी, गाय, कुत्रा आणि देवाला अन्न अर्पण करावे.
टीप : ही माहिती केवळ श्रद्धा आणि विविध माध्यमांवर आधारित आहे.अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.
संबंधित बातम्या