Shirdi Sai Baba Mandir : शिर्डीतील साईबाबाचे मंदिर ३१ डिसेंबर रोजी राहणार रात्रभर खुले

शिर्डीतील प्रसिद्ध साई बाबा मंदिरातही सरत्या वर्षाला निरोप देण्यासाठी आणि नवीन वर्षाच्या स्वागतासाठी नाताळपासूनच भाविकांची गर्दी होत आहे. भाविकांची गर्दी पाहता आणि नवीन वर्षाचं स्वागत करण्यासाठी ३१डिसेंबर रोजी, शिर्डीतील साई बाबा मंदिर रात्रभर खुले राहणार आहे.

साईबाबाचे भक्त आणि अनुयायी संपूर्ण जगभरात पसरले आहेत. त्यांच्या भक्तांच्या म्हणण्यानुसार ते अवतारी पुरुष होते. कुणी त्यांना दत्ताचा अवतार मानत तर कुणी विष्णूचा कुणी शिवाचा.

साई बाबाचे स्थान भारतातील गहन श्रद्धा आणि विश्वासाचे ठिकाण आहे आणि म्हणूनच या ठिकाणाला खास महत्त्व प्राप्त झाले आहे. अहमदनगर जिल्ह्यात शिर्डी एक छोटासा गावात, संत श्री साई बाबा यांच्यासाठी अनेक मान्यवर आणि अनुयायी प्राप्त केले आहेत. १९१८ साली साई बाबा यांनी दसऱ्याच्या दिवशी समाधी घेतली. शिर्डीतील बुटी वाडा येथे त्यांच्या अवशेषांवर अंत्यसंस्कार करण्यात आले, जे नंतर एक पूजास्थान बनले जे आज श्री समाधी मंदिर किंवा शिर्डी साई बाबा मंदिर म्हणून ओळखले जाते.

श्री साईसच्चरित ग्रंथातील अध्याय ४ अनुसार श्री साईबाबांचा जन्म, त्यांचे मातापिता, त्यांचा धर्म, जात आणि पंथ याबाबत कोणतीच माहिती अधिकृतपणे मिळू शकत नाही. भक्‍तांसाठी श्री साईबाबा एका तरुणाच्‍या रुपात शिरडीला निंबाखाली प्रकट झाले. श्री साईबाबा शिर्डीमध्ये एका पडीक मशिदीत राहत, जिला ते "द्वारकामाई" असे संबोधित.

साई बाबा मंदिर कसे आहे -

मंदिर दगडांनी बांधलेले आहे आणि बाबाची समाधी पांढऱ्या संगमरवरी दगडांनी बांधलेली आहे. समाधीच्या समोर सजावटीच्या डिझाइनने भरलेल्या दोन रौप्य खांब आहेत. समाधीच्या मागे साई बाबाची इटालियन संगमरवरी दगडाची विलक्षण सिंहासनावर बसलेली मूर्ती आहे,.

श्री साईबाबांचा मंदिर परिसर सुमारे २०० चौरस मीटरमध्ये पसरलेला आहे. हे शिर्डी गावाच्या मध्यभागी वसलेले आहे आणि जगभरातील यात्रेकरूंचे प्रमुख केंद्र आहे. तसेच मंदिरात दर्शनाची लाइन, प्रसादालय (दुपारचे जेवण आणि रात्रीचे जेवण), डोनेशन काउंटर, प्रसाद काउंटर, कॅन्टीन, रेल्वे आरक्षण काउंटर, बुक स्टॉल इत्यादी सर्व आवश्यक सुविधांनी सुसज्ज आहे. निवास सुविधा आहेत. 

साई बाबा मंदिरात विविध कार्यक्रम होतात. दर गुरुवारी साईबाबांची पालखी मिरवणूकही निघते. तसेच, साई बाबा पुण्यतिथी उत्सव, ३१डिसेंबर, नवीन वर्षाचं स्वागत असो वा विविध सण-उत्सव यानिमित्त मंदिरात साई भक्तांची मांदियाळी बघायला मिळते.