Shab-E-Barat : शब्बे बारात हा दिवस कसा साजरा केला जातो? जाणून घ्या या दिवशी काय करतात?

शाबान हा इस्लामिक कॅलेंडरचा आठवा महिना आहे. शब-ए-बारात हा सण या महिन्याच्या १४ आणि १५ व्या रात्री साजरा केला जातो. यावेळी शब-ए-बारात ची रात्र १३ फेब्रुवारी ते १४ फेब्रुवारीपर्यंत असेल. त्यामुळे यावेळी १३ फेब्रुवारीच्या रात्रीपासून शब-ए-बारात हा सण साजरा केला जाणार आहे.

शब-ए-बरातच्या रात्री नमाज अदा करण्याची परंपरा पाळली जाते. या दिवशी, लोक मशिदींमध्ये नमाज अदा करतात आणि त्यांच्या पापांसाठी अल्लाहकडे क्षमा मागतात. याशिवाय गरीब आणि गरजूंना क्षमतेनुसार विशेष वस्तू दान केल्या जातात, ज्यामुळे त्या व्यक्तीला अल्लाहचा आशीर्वाद मिळू शकतो.

Sankashti Chaturthi : शुभ योगात संकष्ट चतुर्थी; वाचा तारीख, शुभ मुहूर्त आणि शहराप्रमाणे चंद्रोदय वेळ

शब्बे बारात हा दिवस कसा साजरा केला जातो?

या दिवशी घरे आणि मशिदींमध्ये विशेष सजावट केली जाते. शब-ए-बारातच्या दिवशी विविध ठिकाणी धार्मिक मेळावे आयोजित केले जातात, ज्यामध्ये मोठ्या संख्येने लोक सहभागी होतात. याशिवाय लोक अनेक प्रकारचे पदार्थ बनवतात आणि सुंदर कपडे घालतात. शब-ए-बारातच्या दिवशी लोक त्यांच्या पूर्वजांच्या कबरींना भेट देतात आणि त्यांच्यासाठी प्रार्थना करतात.

शब-ए-बारातच्या दिवशी काय करावे?

या दिवशी लोकांनी नक्कीच दान करावे.

शब-ए-बारातच्या रात्री, आपल्या पूर्वजांच्या कबरींना भेट द्या आणि त्यांच्यासाठी विशेष प्रार्थना करा. मेणबत्ती जाळून कबरीवर फुले अर्पण करावीत.

नमाजच्या वेळी जीवनात केलेल्या पापांची क्षमा मागितली जाते.

या दिवशी उपवास करण्याची परंपरा आहे.

याशिवाय, शब्बे बारात साजरा करताना व्यक्ती जीवनात कधीही चुकीचे काम करणार नाही असे वचन देतो.

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. ही माहिती केवळ धार्मिक श्रद्धा आणि विविध माध्यमांवर आधारित आहे. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)