मराठी बातम्या  /  धर्म  /  Surya Grahan 2024 : वर्षातील दुसऱ्या सूर्यग्रहणात दिसणार ‘रिंग ऑफ फायर’! जाणून घ्या तारीख, वेळ आणि सूतक कालावधी

Surya Grahan 2024 : वर्षातील दुसऱ्या सूर्यग्रहणात दिसणार ‘रिंग ऑफ फायर’! जाणून घ्या तारीख, वेळ आणि सूतक कालावधी

Jun 17, 2024 03:21 PM IST

Surya Grahan 2024 Date : हिंदू धर्म आणि ज्योतिषशास्त्रात सूर्यग्रहण आणि चंद्रग्रहणाला खूप महत्व आहे. सूर्यग्रहण आणि चंद्रग्रहणासाठी धार्मिक ग्रंथांमध्ये अनेक नियम दिलेले आहेत. जाणून घ्या या वर्षातील दुसऱ्या सूर्यग्रहणाची तारीख आणि वेळ.

सूर्यग्रहण २०२४
सूर्यग्रहण २०२४

Surya Grahan 2024: वर्ष २०२४ चे पहिले सूर्यग्रहण एप्रिल महिन्यात झाले होते, जे एक विशेष पूर्ण ग्रहण होते. आता वर्षातील दुसरे सूर्यग्रहण ऑक्टोबरमध्ये होणार आहे. हे कंकणाकृती ग्रहण असेल, ज्याला रिंग ऑफ फायर असेही म्हणतात. खगोलशास्त्र तज्ज्ञांसाठी ही एक महत्त्वाची घटना आहे.

कंकणाकृती सूर्यग्रहण म्हणजे काय: 

शास्त्रज्ञांच्या मते, चंद्र सूर्याला पूर्णपणे झाकत नाही तेव्हा कंकणाकृती सूर्यग्रहण होते. त्यामुळे सूर्याची बाहेरील किरणे तेजस्वी वलय म्हणून दिसतात.

ट्रेंडिंग न्यूज

वर्षातील दुसरे सूर्यग्रहण केव्हा होईल: 

वर्षातील दुसरे सूर्यग्रहण बुधवार, २ ऑक्टोबर २०२४ रोजी होणार आहे. हा दिवस सर्व पितृ अमावस्या आहे. आश्विन महिन्यात येणाऱ्या अमावस्याला सर्व पितृ अमावस्या, पितृ मोक्ष अमावस्या आणि महालय असे म्हणतात. पितृ पक्षाचा हा शेवटचा दिवस आहे.

हिंदू कॅलेंडरनुसार, हे ग्रहण रात्री ९ वाजून १३ मिनिटांनी सुरू होईल आणि पहाटे ३ वाजून १७ मिनिटांनी संपेल. हे कंकणाकृती सूर्यग्रहण एकूण ६ तास ४ मिनिटे चालेल.

भारतात दिसणार सूर्यग्रहण - 

ज्याप्रमाणे वर्षातील पहिले सूर्यग्रहण भारतात दिसणार नाही, त्याचप्रमाणे वर्षातील दुसरे सूर्यग्रहणही देशात दिसणार नाही. मात्र, हे ग्रहण दक्षिण अमेरिका, अर्जेंटिना आणि पेरू, फिजी, चिली, ब्राझील, मेक्सिको, न्यूझीलंड आणि पॅसिफिक महासागराच्या उत्तरेकडील भागात दिसणार आहे.

भारतात सुतक कालावधी वैध असेल का - 

ग्रहण भारतात दिसत नसल्यामुळे, सूर्यग्रहणाचा सुतक कालावधी देखील देशात वैध राहणार नाही.

रिंग ऑफ फायर म्हणजे काय

वर्ष २०२४ चे हे दुसरे सूर्यग्रहण कंकणाकृती सूर्यग्रहण असेल. त्याला रिंग ऑफ फायर असेही म्हणतात. जेव्हा चंद्र पृथ्वी आणि सूर्य यांच्यामध्ये थेट जातो, तेव्हा तो सूर्याला पूर्णपणे झाकून टाकू शकत नाही आणि एक सोनेरी वलय तयार होते, याला रिंग ऑफ फायर म्हणतात.

२०२५ मध्ये वर्षातील पहिले आणि दुसरे सूर्यग्रहण केव्हा होणार आहे? 

वर्ष २०२५ मध्ये पहिले सूर्यग्रहण शनिवार २९ मार्च २०२५ रोजी दिसेल आणि यानंतर २१ सप्टेंबर २०२५ रोजी वर्षातील दुसरे सूर्यग्रहण होणार आहे.

ग्रहण काळात काय करावे -

ग्रहण सुरू होण्यापूर्वी स्नान करणे शुभ मानले जाते.

ग्रहण काळात मनाने भगवंताचे चिंतन करावे.

सूर्यग्रहण काळात दान करणे खूप शुभ मानले जाते. ग्रहण संपल्यानंतर घरात गंगाजल शिंपडावे.

ग्रहण संपल्यानंतर पुन्हा एकदा स्नान करावे.

ग्रहण काळात खाण्यापिण्यात तुळशीची पाने टाकावीत.

WhatsApp channel