Ravidas Jayanti 2024 : आज संत रविदास यांची जयंती, जाणून घ्या त्यांचे अनमोल विचार
Ravidas Jayanti 2024 : संत रविदास यांच्या जयंतीनिमित्त मिरवणुका काढल्या जातात आणि भजन, कीर्तन करत त्यांचे स्मरण केले जाते.
Ravidas Jayanti 2024 : पंचांगानुसार, संत रविदास जयंती दरवर्षी माघ पौर्णिमेच्या दिवशी साजरी केली जाते. म्हणजेच यंदा संत रविदासजींची जयंती आज शनिवारी (२४ फेब्रुवारी) आज साजरी होत आहे. वाराणसीजवळील एका गावात जन्मलेले संत रविदास अतिशय धार्मिक स्वभावाचे होते. ते भक्तीकालीन संत आणि थोर समाजसुधारक होते.
संत रविदास यांच्या जयंतीनिमित्त मिरवणुका काढल्या जातात आणि भजन, कीर्तन करत त्यांचे स्मरण केले जाते. त्यांना संत रविदास, गुरु रविदास, रैदास, रोहिदास अशा अनेक नावांनी ओळखले जाते. संत रविदासांनी लोकांना एकमेकांवर कोणताही भेदभाव न करता प्रेम करण्याची शिकवण दिली.
संत रविदास यांच्या जंयतीनिमित्त त्यांचे काही अनमोल विचार (Saint Ravidas Quotes) जाणून घेऊ.
१) ज्या हृदयात कोणाचेही वैर नाही, लोभ किंवा द्वेष नाही अशा हृदयात देव वास करतो.
२) समानता हा मानवतेचा सुगंध आहे, जेव्हा सर्व प्राणी समान आहेत तेव्हा ते उद्भवते.
३) जोरदार वाऱ्यामुळे सागरी लाटा निर्माण होऊन समुद्रातच विलीन होतात, त्यांना वेगळे अस्तित्व नसते, त्याचप्रमाणे मानवालाही ईश्वराशिवाय अस्तित्व नाही.
४) सर्व जाती, सर्व धर्म आणि सर्व प्राणी ईश्वराच्या दृष्टीने समान आहेत.
५) मानवतेची सेवा करतो, देवाची सेवा करतो तोच मोक्ष प्राप्त करतो.
६) खरी संपत्ती प्रेम आणि करुणा आहे, बाकीचे जीवनाच्या मार्गावर फक्त एक ओझे आहे.
७) सद्गुण नसलेल्या ब्राह्मणाची पूजा करू नका. पण जर चांडालच्या चरणी जे काही चांगले गुण असतील त्याची पूजा करा.
८) नम्रता हा सर्व सद्गुणांचा पाया आहे, ते सर्व महानतेचे मूळ आहे.
९) भक्तीचा मार्ग हा शांतीचा मार्ग आहे, तो दुःख आणि सुखाच्या पलीकडे जातो.
१०) परमेश्वर प्रत्येक जीवात आहे, ज्याला याची जाणीव होते तो परमात्म्याशी एकत्व प्राप्त करतो.
