Ravi Pushya Nakshatra 2024 : जूनमध्ये रवि पुष्य योग कधी आहे? खरेदी आणि शुभ कार्यासाठी सर्वात खास दिवस
Ravi Pushya Nakshatra 2024 : समृद्धी आणि उत्तम शुभ फळ देणारे रवि पुष्य नक्षत्र जूनमध्ये तयार होत आहे. या दिवशी खरेदी आणि शुभ कार्य केल्याने साधकाच्या जीवनात सुख-समृद्धी वाढते.
जर तुम्ही कोणते शुभ कार्य करण्याचा, किंवा नवीन व्यवसाय सुरू करण्याचा विचार करत असाल तर या कामांसाठी रविपुष्य योगाचा दिवस खूप शुभ असतो.
या वर्षी जून २०२४ मध्ये रविपुष्य नक्षत्राचा (Ravi pushya yog) योगायोग आहे, ज्यामध्ये खरेदी, व्यवहार, गुंतवणूक तसेच नोकरी आणि व्यवसायात नवीन सुरुवात करणे फायदेशीर मानले जाते.
पुष्य नक्षत्रामध्ये केलेले कार्य नेहमी आनंद, समृद्धी आणि यश प्रदान करते. अशा स्थितीत जूनमध्ये कोणत्या दिवशी रवि पुष्य योग तयार होत आहे आणि खरेदीसाठी शुभ मुहूर्त कोणते आहेत, ते जाणून घ्या.
रवि पुष्य नक्षत्र २०२४ कधी?
यावर्षी रविपुष्य योग ९ जून २०२४ रोजी रविवारी येत आहे. रविवारी पुष्य नक्षत्रामुळे रविपुष्य योग तयार होत आहे. या योगात सोने खरेदी केल्याने प्रगती होते. त्यामुळे संपत्ती वाढते.
रवि पुष्य योगामध्ये खरेदीची वेळ
जूनमधील पुष्य नक्षत्र ९ जून रोजी रात्री ८:२० वाजता सुरू होईल आणि १० जून रोजी रात्री ९:४० वाजता समाप्त होईल.
रविपुष्य नक्षत्रात खरेदीसाठी ९ जून रोजी रात्री ८.२० नंतरची सर्वोत्तम वेळ आहे.
रवी पुष्य नक्षत्रात काय-काय करू शकतो?
रविपुष्य नक्षत्रात सोने-चांदी, दागिने, इलेक्ट्रॉनिक्स, वाहन, जमीन, घर, कपडे, वाहने, फर्निचर खरेदी केल्याने सुख-समृद्धी वाढते.
जर तुम्हाला जमिनीत गुंतवणूक करायची असेल, नवीन काम सुरू करायचे असेल किंवा नवीन व्यवसाय सुरू करायचा असेल तर रविपुष्य योगाचा दिवस लाभदायक आहे. माता लक्ष्मीचा आशीर्वाद कायम राहतो.
रविपुष्य नक्षत्रात शुभ कार्य केल्याने यश मिळते. जीवन आनंदी होते. धार्मिक विधींसाठीही हा योग सर्वोत्तम मानला जातो.
रविपुष्य योग ज्ञान संपादन करण्यासाठी किंवा नवीन शैक्षणिक संस्थेत प्रवेश घेण्यासाठी, गुरुकडून मंत्र शिकण्यासाठी आणि आध्यात्मिक प्रगतीसाठी सर्वोत्तम मानला जातो.
(डिस्क्लेमर : या लेखात दिलेली माहिती धार्मिक मान्यतांवर आधारित आहे. ती पूर्णपणे सत्य आणि अचूक आहे, असा हिंदुस्तान टाइम्स मराठीचा दावा नाही. त्यामुळं अनुकरण करण्याआधी संबंधित क्षेत्रातील तज्ञाचा सल्ला जरूर घ्या.)
