मराठी बातम्या  /  धर्म  /  Ram Navami 2024 : रामनवमीला तयार होतोय हा शुभ योग, जाणून घ्या पूजेची तारीख आणि मुहूर्त

Ram Navami 2024 : रामनवमीला तयार होतोय हा शुभ योग, जाणून घ्या पूजेची तारीख आणि मुहूर्त

Rohit Bibhishan Jetnavare HT Marathi
Apr 13, 2024 10:53 PM IST

Ram Navami 2024 : वाल्मिकी रामायणानुसार भगवान रामाचा जन्म चैत्र महिन्याच्या शुक्ल पक्षाच्या नवव्या तिथीला झाला होता. त्यामुळेच चैत्र महिन्यातील नवमी तिथीला राम नवमी असेही म्हणतात.

Ram Navami 2024 : रामनवमीला तयार होतोय हा शुभ योग, जाणून घ्या पूजेची तारीख आणि मुहूर्त
Ram Navami 2024 : रामनवमीला तयार होतोय हा शुभ योग, जाणून घ्या पूजेची तारीख आणि मुहूर्त (PTI)

Ram Navami 2024 puja muhurt : चैत्र महिन्यातील नवमी तिथी अतिशय विशेष मानली जाते. या दिवशी राम नवमीचा सण साजरा केला जातो. यासोबतच या दिवशी सिद्धदात्री मातेच्या पूजेने नवरात्रीचीही समाप्ती होते. 

ट्रेंडिंग न्यूज

यंदा म्हणजेच २०२४ मध्ये रामनवमीचा सण कधी साजरा केला जाईल आणि या दिवशी प्रभू रामाची पूजा करण्याचा शुभ मुहूर्त कोणता असेल, तसेच या दिवशी कोणते शुभ योग तयार होत आहेत, याविषयी सविस्तर जाणून घेऊया.

वाल्मिकी रामायणानुसार भगवान रामाचा जन्म चैत्र महिन्याच्या शुक्ल पक्षाच्या नवव्या तिथीला झाला होता. त्यामुळेच चैत्र महिन्यातील नवमी तिथीला राम नवमी असेही म्हणतात. दरवर्षी या दिवशी संपूर्ण भारतात रामजन्मोत्सव मोठ्या थाटामाटात साजरा केला जातो.

रामनवमी तिथी आणि पूजेचा शुभ मुहूर्त

यंदा म्हणजेच २०२४ मध्ये राम नवमीचा सण १७ एप्रिल रोजी आहे. तथापि, नवमी तिथी १६ एप्रिल रोजी दुपारी १:२३ पासून सुरू होईल आणि १७ एप्रिल रोजी दुपारी २:३४ पर्यंत सुरू राहील. 

पण उदय तिथीला शास्त्रात मान्यता आहे, त्यामुळे रामनवमी हा सण १७ एप्रिललाच साजरा केला जाईल. या दिवशी सकाळी ६.०८ पर्यंत सर्वार्थ सिद्धी योग असून दिवसभर रवि योग राहील. हे दोन्ही योग अतिशय शुभ मानले जातात. या शुभ योगांमध्ये उपासना केल्याने चांगले फळ मिळते.

राम नवमी २०२४ पूजा मुहूर्त

१७ एप्रिल रोजी मर्यादा पुरुषोत्तम भगवान रामाच्या पूजेचा शुभ मुहूर्त सकाळी ११:०२ पासून सुरू होईल आणि १:२६ पर्यंत चालेल. या मुहूर्तामध्ये तुम्ही स्नान आणि ध्यान केल्यानंतर पूजा सुरू करू शकता.

पूजेच्या वेळी प्रभू रामासमोर धूप दिवा लावावा आणि भगवान रामाला दूध, तूप, दही, मध आणि गंगाजल अर्पण करावे. यानंतर फुल आणि अक्षत अर्पण करून रामाची पूजा सुरू करावी. 

तुम्ही प्रभू रामाच्या मंत्राने पूजा सुरू करू शकता - श्री रामचंद्राय नमः. यानंतर तुम्ही रामचरित मानस पाठ करू शकता किंवा रामचरित मानसचे काही अध्याय वाचू शकता. पूजेनंतर प्रभू रामाची आरती करावी. या दिवशी पूजेदरम्यान हनुमान चालिसाचे पठण करणेही लाभदायक असते.

प्रभू रामाची पूजा केल्याने खालील फायदे मिळतात

रामनवमीच्या दिवशी विधीनुसार भगवान रामाची पूजा केल्याने भक्तांचे संकट दूर होतात. भगवान रामाची उपासना केल्याने तुमची सर्जनशील क्षमता विकसित होते आणि तुम्ही बौद्धिकदृष्ट्या मजबूत बनता. ज्यांना आपल्या कुटुंबात सुख-समृद्धी हवी आहे, त्यांनीही रामाची पूजा करावी. रामनवमीला श्री रामाची पूजा केल्याने तुमच्या घरात सकारात्मकता येते, यासोबतच रामजींची पूजा केल्याने तुम्हाला माता पार्वती, हनुमानजी आणि भोलेनाथ यांचा आशीर्वादही मिळतो.

WhatsApp channel

विभाग