भावाच्या सुखासाठी आणि प्रगतीसाठी राखी बांधताना बहिणीने कोणत्या रंगाचे कपडे घालावेत, राशीनुसार जाणून घ्या
पंचांगानुसार राखी बांधण्याचा शुभ मुहूर्त १९ ऑगस्ट रोजी दुपारी ०१:३२ ते रात्री ०९:०७ पर्यंत असेल. यावेळी तुम्ही तुमच्या भावाला राखी बांधू शकता.
यावर्षी रक्षाबंधन हा सण सर्वार्थ सिद्धी, रवि आणि शोभन योगाच्या शुभ संयोगाने सोमवारी (१९ ऑगस्ट) साजरा होणार आहे. पंचांगानुसार, श्रावण महिन्याच्या शुक्ल पक्षाची चतुर्दशी तिथी १९ ऑगस्टच्या रात्री उशिरा ०३:४३ पर्यंत असते. यानंतर पौर्णिमा तिथी सुरू होईल.
सोप्या शब्दात सांगायचे तर, इंग्रजी कॅलेंडरनुसार श्रावण पौर्णिमा तिथी १९ ऑगस्ट रोजी दुपारी ३:४३ वाजता सुरू होईल. त्याच वेळी, ही तारीख १९ ऑगस्ट रोजी रात्री ११:५५ वाजता संपेल. अशा परिस्थितीत १९ ऑगस्ट रोजी रक्षाबंधनाचा सण साजरा होणार आहे.
राखी बांधण्याची शुभ वेळ
पंचांगानुसार राखी बांधण्याचा शुभ मुहूर्त १९ ऑगस्ट रोजी दुपारी ०१:३२ ते रात्री ०९:०७ पर्यंत असेल. यावेळी तुम्ही तुमच्या भावाला राखी बांधू शकता.
भद्रा काळात राखी बांधणे वर्ज्य
भद्राकाळ हा पंचांगातील असा काळ आहे, जो शुभ मानला जात नाही. या काळात किंवा या मुहूर्तावर शुभ कार्य करण्यास मनाई आहे.
रक्षाबंधनाच्या दिवशी भद्राकाल अत्यंत महत्त्वाचा मानला जातो. विशेषत: या काळात या दिवशी राखी बांधली जात नाही. २०२४ मध्ये रक्षाबंधन हा सण सोमवारी (१९ ऑगस्ट) रोजी येत आहे. या दिवशी भद्रकाल दुपारी १.३० पर्यंत चालेल. म्हणूनच या दिवशी किंवा सकाळच्या वेळेला राखी बांधणे अशूभ आहे.
भाद्र महिन्यात राखी बांधणे वर्ज्य मानले जाते. असे म्हणतात, की रावणाची बहीण शूर्पणखा हिने भाद्र काळातच भावाला राखी बांधली होती. त्यामुळे रावणाच्या संपूर्ण वंशाचा नाश झाला. अशा परिस्थितीत शुभ मुहूर्त पाहून आणि भद्रा काळ संपल्यानंतरच बहिणींनी भावाच्या मनगटावर राखी बांधणे महत्त्वाचे आहे.
भावाच्या राशीनुसार कपडे परिधान करा आणि राखी बांधा
याशिवाय बहिणींनी त्यांच्या राशीनुसार त्या त्या रंगांचे कपडे घालून भावांना राखी बांधली तर भावांच्या आयुष्यात सदैव सुख आणि सौभाग्य नांदते.
१) मेष राशीच्या बहिणींनी काळे, लाल किंवा राखाडी रंगाचे कपडे घालून राखी बांधावी. तसेच घेवराने भावाचे तोंड गोड करावे.
२) वृषभ राशीच्या बहिणींनी पांढरे किंवा आकाशी निळ्या रंगाचे कपडे घालून राखी बांधावी. तसेच जिलेबीने भावाचे तोंड गोड करावे.
३) मिथुन राशीच्या बहिणींनी पांढरे, पिवळे किंवा हलके निळे रंगाचे कपडे घालून राखी बांधावी. तसेच आपल्या भावाचे तोंड गुलाबजामुने गोड करावे.
४) कर्क राशीच्या बहिणींनी निळ्या रंगाचे कपडे घालून राखी बांधावी. तसेच बर्फीने भावाचे तोंड गोड करावे.
५) सिंह राशीच्या बहिणींनी पिवळ्या रंगाचे कपडे घालून राखी बांधावी. तसेच बेसनाच्या लाडूने भावाचे तोंड गोड करावे.
६) कन्या राशीच्या बहिणींनी देखील क्रीम किंवा गुलाबी रंगाचे कपडे घालून राखी बांधावी. तसेच पेडा मिठाईने भावाचे तोंड गोड करावे.
७) तूळ राशीच्या बहिणींनीही लाल रंगाचे कपडे घालून राखी बांधावी. तसेच खव्यापासून बनवलेल्या मिठाईने भावाचे तोंड गोड करावे.
८) वृश्चिक राशीच्या बहिणींनी लाल रंगाचे कपडे घालून राखी बांधावी. तसेच इमरतीने भावाचे तोंड गोड करावे.
९) धनु राशीच्या बहिणींनीही केशरी रंगाचे कपडे परिधान करून राखी बांधावी. तसेच मिल्क केकने भावाचे तोंड गोड करावे.
१०) मकर राशीच्या बहिणींनीही फिकट हिरव्या किंवा पांढऱ्या रंगाचे कपडे घालून राखी बांधावी. तसेच आपल्या भावाचे तोंड पिस्त्याच्या मिठाईने गोड करावे.
११) कुंभ राशीच्या बहिणींनीही हिरव्या रंगाचे कपडे घालून राखी बांधावी. तसेच, रसगुल्ल्याने भावाचे तोंड गोड करावे.
१२) मीन राशीच्या बहिणींनीही पांढरे, केशरी किंवा हिरव्या रंगाचे कपडे घालून राखी बांधावी. तसेच मोतीचूर लाडूने भावाचे तोंड गोड करावे.