Raksha Bandhan : दुपारी भावाच्या मनगटावर राखी बांधताना करा हे ३ काम, वाढेल सुख-समृद्धी

रक्षासूत्र बांधण्यासाठी मुहूर्त

रक्षाबंधन भद्रा समाप्ती वेळ – दुपारी १ वाजून ३० मिनिटे.

रक्षाबंधन भद्रा पूंछ – सकाळी ९:५१ ते सकाळी १०:५३

रक्षाबंधन भद्रा मुख - सकाळी १०:५३ ते दुपारी १२:३७

पौर्णिमा तिथी प्रारंभ - १९ ऑगस्ट २०२४ पहाटे ३ वाजून ४ मिनिटे.

पौर्णिमा तिथी समाप्ती - १९ ऑगस्ट २०२४ रात्री ११:५५ वाजता

रक्षाबंधन शुभ वेळ - दुपारी १:३० ते रात्री ९:८

कालावधी – ७ तास ३८ मिनिटे

रक्षाबंधनासाठी दुपारची वेळ - दुपारी १ वाजून ४३ मिनिटे ते ४ वाजून २० मिनिटे.

कालावधी – २ तास ३७ मिनिटे

रक्षाबंधनासाठी प्रदोष काळ मुहूर्त - संध्याकाळी ६ वाजून ५६ मिनिटे ते रात्री ९ वाजून ८ मिनिटे.

कालावधी - २ तास ११ मिनिटे

Raksha Bandhan : कोणी बांधली कृष्णाला राखी? रक्षासूत्र बांधताना कोणता मंत्र म्हणावा? वाचा या रंजक गोष्टी

राखी बांधताना या ३ गोष्टी करा

श्रावण पौर्णिमेला बहिण भावाच्या मनगटावर प्रेमाचा धागा म्हणजे राखी बांधते. राखीमध्ये तीन गाठी बांधणे शुभ मानले जाते. पहिली गाठ भावाच्या दीर्घायुष्यासाठी, दुसरी गाठ स्वत:च्या दीर्घायुष्यासाठी आणि तिसरी गाठ नात्यातील गोडीसाठी आहे. 

राखी बांधल्यानंतर कपाळावर अनामिकेने कुंकवाचा टिळा लावून अंगठ्याने वर उचलून हा टिळा शिखरासारखा लावण्याची परंपरा आहे. यानंतर बहिणी या टिळ्यावर अक्षता लावतात आणि भावाच्या दीर्घायुष्यासाठी प्रार्थना करतात. भावाच्या आयुष्यात गोडवा कायम राहावा म्हणून बहीण त्याला गोड-धोड खाऊ घालते. यानंतर भाऊही बहिणींना भेटवस्तू देतात. 

रक्षाबंधनात रक्षासूत्र बांधताना “येन बद्धो बली राजा दानवेन्द्रो महाबलः। तेन त्वामभिबध्नामि रक्षे माचल माचल।”  मंत्र पठण करणे शुभ मानले जाते. धर्मशास्त्रात इंद्राणीने युद्धावर जाण्यापूर्वी देवराज इंद्राला रक्षासूत्र बांधले होते. रक्षाबंधन म्हणजे भावाने आपल्या बहिणीसाठी प्रेम आणि संरक्षणाची प्रतिज्ञा करणे होय.