Pradosh Vrat And Masik Shivratri : आज प्रदोष व्रत आणि मासिक शिवरात्रीचा शुभ संयोग; वाचा महत्व, पूजा-विधी आणि आरती
मराठी बातम्या  /  धर्म  /  Pradosh Vrat And Masik Shivratri : आज प्रदोष व्रत आणि मासिक शिवरात्रीचा शुभ संयोग; वाचा महत्व, पूजा-विधी आणि आरती

Pradosh Vrat And Masik Shivratri : आज प्रदोष व्रत आणि मासिक शिवरात्रीचा शुभ संयोग; वाचा महत्व, पूजा-विधी आणि आरती

Jan 27, 2025 09:20 AM IST

Pradosh Vrat And Masik Shivratri 2025 : हिंदू धर्मात प्रदोष व्रत आणि मासिक शिवरात्रीला खूप महत्त्व आहे. प्रत्येक महिन्यात कृष्ण पक्षाच्या त्रयोदशी तिथीला प्रदोष व्रत येते आणि चतुर्दशी तिथीला मासिक शिवरात्री येते. प्रदोष व्रत आणि मासिक शिवरात्रीला भगवान शंकराची पूजा केली जाते.

प्रदोष व्रत आणि मासिक शिवरात्री
प्रदोष व्रत आणि मासिक शिवरात्री

Pradosh Vrat And Masik Shivratri In Marathi : हिंदू धर्मात प्रदोष व्रत आणि मासिक शिवरात्रीला खूप महत्त्व आहे. प्रत्येक महिन्यात कृष्ण पक्षाच्या त्रयोदशी तिथीला प्रदोष व्रत येते आणि चतुर्दशी तिथीला मासिक शिवरात्री येते. प्रदोष व्रत आणि मासिक शिवरात्रीला भगवान शंकराची पूजा केली जाते. पौष महिन्यात प्रदोष व्रत आणि मासिक शिवरात्री एकाच दिवशी म्हणजे आज २७ जानेवारीला आले आहे. 

आज, माघ महिन्याच्या कृष्ण पक्षातील त्रयोदशी तिथीला एक विशेष आणि दुर्मिळ योगायोग घडत आहे - भाद्रवस योग. हा योग पूजेसाठी अत्यंत शुभ मानला जातो, विशेषत: भगवान शिव आणि माता पार्वतीच्या उपासनेच्या संदर्भात. या योगाच्या प्रभावाने उपासकाला इच्छित फळ मिळते. भाद्रावस योगात उपासना केल्याने व्यक्तीच्या जीवनातील समस्या दूर होतात आणि जीवनात सुख-समृद्धीचा मार्ग मोकळा होतो.

उदयातिथीच्या नियमांनुसार प्रदोष व्रत ठेवले जाते आणि शिवरात्रीमध्ये रात्रीच्या पूजेचे महत्त्व आहे, त्यामुळे प्रदोष व्रत आणि मासिक शिवरात्री एकाच दिवशी येत आहेत. धार्मिक मान्यतेनुसार मासिक शिवरात्री आणि प्रदोष व्रताचा संयोग अत्यंत शुभ आणि विशेष असतो. जाणून घेऊया पूजेची पद्धत आणि भगवान शंकराची आरती.

महादेवाची पूजा :

सकाळी लवकर उठून आंघोळ करावी. आंघोळीनंतर स्वच्छ कपडे घाला. देवघर स्वच्छ करावे, पूजा करावी आणि दिवा लावावा. शक्य असल्यास उपवास करावा. भगवान शंकराचा गंगेच्या पाण्याने अभिषेक करा. पुष्प अर्पण करा. या दिवशी देवी पार्वती आणि श्री गणेशाची पूजा करा. कोणत्याही शुभ कार्यापूर्वी गणपतीची पूजा केली जाते. भगवान शिवाला नैवेद्य अर्पण करा. देवाला केवळ सात्त्विक वस्तू अर्पण केल्या जातात हे लक्षात ठेवा. भगवान शंकराची आरती करा. या दिवशी शक्य तितके देवाचे नामस्मरण करावे.

भगवान शिवाची आरती -

लवथवती विक्राळा ब्रह्मांडी माळा।

वीषें कंठी काळा त्रिनेत्रीं ज्वाळां।।

लावण्यसुंदर मस्तकीं बाळा।

तेथुनियां जळ निर्मळ वाहे झुळझुळां ।।१।।

जय देव जय देव जय श्रीशंकरा।।

आरती ओवाळूं तुज कर्पुगौरा ।।ध्रु.।।

कर्पुगौरा भोळा नयनीं विशाळा।

आर्धांगीं पार्वती सुमनांच्या माळा।

विभुतीचें उधळण शितिकंठ नीळा।

ऐसा शंकर शोभे उमावेल्हाळा ।। जय. ।।२।।

देवी दैत्यीं सागरमंथन पैं केलें।

त्यामाजी जें अवचित हळाहळ उठिलें।

तें त्वां असुरपषं प्राशन केलें।

नीळकंठ नाम प्रसिद्ध झालें।। जय. ।।३।।

व्याघ्रांबर फणिवरधर सुंदर मदनारी।

पंचानन मनमोहन मुनिजनसुखकारी।

शतकोटीचें बीज वाचे उच्चारी।

रघुकुलतिलक रामदासा अंतरी।।

जय देव जय देव जय श्रीशंकरा।।४।।

व्रताचे महत्व -

धार्मिक मान्यतेनुसार या दिवशी महादेव आणि पार्वतीची पूजा केल्याने व्यक्तीचे सर्व दु:ख तर दूर होतातच शिवाय कुंडलीतील अशुभ ग्रहांच्या प्रभावापासूनही मुक्ती मिळते. हे व्रत केल्याने साधकाला पृथ्वीवरील सर्व सुखांची प्राप्ती होते. तसेच, प्रदोष व्रताचा हा दिवस अशा लोकांसाठी विशेषतः फलदायी आहे जे त्यांच्या जीवनात काही अडचणी किंवा संकटातून जात आहेत.

Whats_app_banner