Pitru Paksha : पितृपक्षात ‘या’ ५ गोष्टींची करा खरेदी; पूर्वजांचा आशीर्वाद मिळेल, सुख-समृद्धी येईल!

पितृ पक्ष पौर्णिमा ते अमावस्या तिथीपर्यंत राहते. या वर्षी १७ सप्टेंबर रोजी पौर्णिमा तिथी सुरू झाली असून, १८ सप्टेंबर पासून प्रतिपदा श्राद्धाने महालयारंभ झाले आहे, तर २ ऑक्टोबरला सर्वपित्री अमावस्या पर्यंत पितृ पंधरवडा सुरू राहील.

असे मानले जाते की, या दिवसांमध्ये पितर पृथ्वीवर येतात आणि तर्पण अर्पण केल्याने त्यांना अन्न आणि पाणी मिळते, ज्यामुळे पितर प्रसन्न होतात आणि त्यांना आशीर्वाद देतात. पितृ पंधरवडा म्हणजेच या १५ दिवसात आपल्या पूर्वजांच्या तिथीनुसार आगारी टाकतात. 

पितृ पक्षात अनेक वस्तू खरेदी करण्यास मनाई आहे. जर पूर्वजांना राग आला तर तुम्हाला पितृदोषालाही सामोरे जावे लागेल. अशा वेळी ज्या गोष्टी पितरांना आवडत नाहीत त्या गोष्टींची विशेष काळजी घेणे आवश्यक आहे. पण त्याचबरोबर अशा काही गोष्टींबद्दल सांगण्यात आले आहे, ज्या पितृ पक्षाच्या काळात घरात आणल्यास व्यक्तीला सुख-समृद्धीचे आशीर्वाद मिळतात.

तांदूळ

श्राद्ध पक्षाच्या काळात तांदूळ खरेदी करणे देखील खूप शुभ मानले जाते. असे म्हटले जाते की, पितृ पक्षात तांदूळ फक्त खरेदी करू नये तर त्याचे दान देखील करावे, ज्यामुळे पितर प्रसन्न होतात.

बार्ली

एक धार्मिक मान्यता आहे की पृथ्वीवर बार्ली प्रथम धान्य म्हणून उगवले गेले आणि ते सोन्यासारखे मानले जाते. त्यामुळे पितृपक्षात जव खरेदी केल्याने पितरांना आनंद होतो आणि तुमची आर्थिक समस्याही दूर होते.

काळे तीळ

पितृ पक्षादरम्यान, आपण काळे तीळ खरेदी करणे आवश्यक आहे कारण काळे तीळ पितरांच्या श्राद्ध आणि तर्पण दरम्यान वापरले जातात. तीळ खरेदी केल्याने पितृदोषापासून आराम मिळतो, असे सांगितले जाते.

Pitru Paksha : पितृपक्ष का करतात? महाभारतातील कर्णाशी काय आहे संबंध? वाचा सविस्तर

चमेली चे तेल

असे मानले जाते की, पितरांना चमेलीचे तेल अर्पण केल्याने ते तृप्त होतात आणि त्यांच्या आत्म्याला शांती मिळते, त्यामुळे पितृ पक्षाच्या काळात चमेलीचे तेल खरेदी करावे.

नवीन कपडे

पितृ पक्षाच्या काळात पितरांसाठी नवीन वस्त्रे खरेदी करावीत. असे मानले जाते की, जेव्हा तुम्ही नवीन कपडे खरेदी करता तेव्हा तुमचे पूर्वज प्रसन्न होतात आणि तुम्हाला सुख-शांतीचा आशीर्वाद देतात.