Pitru paksha 2023 : श्राद्धाचं जेवण बनविताना 'हे' नियम पाळा, मिळेल पितरांचा आशीर्वाद

श्राद्धाचं जेवण बनविण्याचे काही नियम

• श्राद्धाचं जेवण बनविताना कांदा आणि लसणेचा वापर करू नये. नेहमी सात्विक जेवण बनवावं.
• जेवण बनविताना राग असू नये किंवा अश्रू गाळू नये. अन्नाला चुकूनही पाय लावू नये आणि खोटंही बोलू नये.
• श्राद्धाचं जेवण बनविताना तोंड पूर्वेकडं असावं. दक्षिणेकडं चुकूनही तोंड करू नये, ते अशुभ मानलं जातं.
• चप्पल घालून श्राद्धाचं जेवण बनवू नये.
• श्राद्धाच्या वेळी ब्राह्मणांना जेवण वाढताना मौन बाळगावं. श्राद्धाचं जेवण चांदी किंवा तांब्याच्या भांड्यात वाढावं. मातीच्या भांड्याचा चुकूनही वापर करू नये.
• आपल्या पूर्वजांच्या आवडीचं जेवण बनवा आणि त्यांचं स्मरण करा. आवडीचं जेवण बनविल्यामुळं आपल्या पितरांच्या आत्म्याला शांती मिळते, अशी धार्मिक मान्यता आहे.
• श्राद्धाच्या दिवशी ब्राह्मण, गरजवंत आणि गरिबांना जेवण देतानाच गाय, कुत्रा, कावळा आणि मुंग्यांसाठीही जेवण बाजूला काढून ठेवावं.

श्राद्धाचं जेवण ग्रहण करण्याचे काही नियम

• श्राद्धाच्या जेवणाचं कौतुकही करू नका आणि नावंही ठेवू नका. हे जेवण प्रसाद समजून खावे. जेवण करताना मौन राहावं.
• श्राद्धाचं अन्न ग्रहण करताना ब्राह्मणांवर कुत्रा, कोंबडी किंवा डुकराची नजर पडू देऊ नये. त्यांची नजर पडल्यास श्राद्धाचं भोजन विधी वाया जातो, असं म्हणतात.
• श्राद्धाचं उष्टं अन्न कोणालाही देऊ नये. अशानं पितरांना जेवणाचा लाभ पोहोचत नाही.
• श्राद्धांचं जेवण जेवताना ब्राह्मणांचं तोंड दक्षिण दिशेला असावं.
• जेवणासाठी ब्राह्मणांना आदरपूर्वक आमंत्रण द्या आणि त्यांचं यथोचित स्वागत करून त्यांना जेवायला द्या.
•  पितरांचं श्राद्ध दुपारच्या वेळेस घातलं पाहिजे. त्यामुळं ब्राह्मणांना देखील दुपारच्या वेळेस जेवायला बोलवा. संध्याकाळी किंवा रात्री बोलवू नका.
• श्राद्धाच्या दिवशी ब्राह्मणांनी जेवण घेतल्याशिवाय तुम्ही जेवण करू नका.
• ब्राह्मणांना जेवण दिल्यानंतर आपल्या इच्छेनुसार त्यांना दान-दक्षिणा द्यावी.

(डिस्क्लेमर : वरील लेखात दिलेली सर्व माहिती पूर्णपणे योग्य आहे असा आमचा दावा नाही. त्यामुळं अनुकरण करण्याआधी संबंधित क्षेत्रातील तज्ज्ञांचा सल्ला अवश्य घ्या.)