Mokshada Ekadashi : मोक्षदा एकादशीचे व्रत केल्याने कसा मिळतो मोक्ष, जाणून घ्या महत्व आणि लाभ

मोक्षदा एकादशी कोणत्या तिथीला असते?

हिंदू पंचांगानुसार, मार्गशीर्ष महिन्यातील शुक्ल पक्षाची एकादशी ११ डिसेंबर २०२४ रोजी पहाटे ३ वाजून ४२ मिनिटांनी  सुरू होईल आणि दुसऱ्या दिवशी १२ डिसेंबर २०२४ रोजी पहाटे १ वाजून ९ मिनिटांपर्यंत सुरू राहील. अशा स्थितीत उदयतिथीनुसार ११ डिसेंबर रोजी मोक्षदा एकादशी व्रत करण्यात येणार आहे. त्याच वेळी, एकादशी व्रत द्वादशी तारखेला १२ डिसेंबर २०२४ रोजी सकाळी 6 वाजून ५७ मिनिटांपासुन ते ९ वाजे पर्यंत करता येईल.

Datta Jayanti : दत्त जयंती नेमकी कधी? शनिवारी की रविवारी? संभ्रम असेल तर हे वाचा!

मोक्षदा एकादशीचे व्रत केल्याने कोणता मोक्ष मिळतो?

पौराणिक कथेनुसार मोक्षदा एकादशीच्या दिवशी कुरुक्षेत्राच्या युद्धात लाखो योद्धे वीरगतीला प्राप्त होऊन त्यांना मोक्षप्राप्ती झाली. हे व्रत केल्याने मोक्ष मिळत नाही, तर पुण्य प्राप्त होते. मोक्षदा एकादशीचे व्रत केल्याने आत्मा आणि मन शुद्ध राहते, असे मानले जाते. व्यक्तीला पापांपासून मुक्ती मिळते आणि जीवनात सुख-शांती येते. या दिवशी गीता पठण केल्याने आणि त्यातील शिकवणींचे पालन केल्याने मोक्षप्राप्ती होते,असे सांगितले जाते. मोक्ष म्हणजे जन्म-मृत्यूच्या फेऱ्यातून मुक्तता किंवा सुख-दुःखा पासून मुक्त होणे. भगवान श्रीकृष्णामुळे हजारो लोकांना ज्ञान प्राप्त झाले. ज्ञान प्राप्त करणे म्हणजे मोक्षाचा मार्ग पाहणे आणि त्यावर चालणे. असे बरेच लोक होते जे भगवान श्रीकृष्णाच्या जवळ असताना काहीही साध्य करू शकले नाहीत कारण त्यांच्या आणि भगवान श्रीकृष्ण यांच्यामध्ये अहंकार किंवा आत्मज्ञानाची भिंत उभी होती.

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)