Mokshada Ekadashi : मोक्षदा एकादशी कधी आहे? जाणून घ्या तारीख, मुहूर्त, शुभ योग, पूजा विधी आणि महत्व
Mokshada Ekadashi December 2024 Date In Marathi : मोक्षदा एकादशी व्रत साधारणपणे इंग्रजी दिनदर्शिकेनुसार नोव्हेंबर किंवा डिसेंबर महिन्यात येते. जाणून घ्या डिसेंबरमध्ये मोक्षदा एकादशी कधी आहे? तारीख, मुहूर्त, शुभ योग, पूजा विधी आणि महत्व.
Mokshada Ekadashi December 2024 Date In Marathi : हिंदू धर्मात एकादशी व्रताला अनन्यसाधारण महत्त्व आहे. दर महिन्याला दोन एकादशी व्रते केली जातात - पहिली कृष्ण पक्षात आणि दुसरी शुक्ल पक्षात. हिंदू दिनदर्शिकेनुसार मार्गशीर्ष महिन्याच्या शुक्ल पक्षाच्या एकादशीला मोक्षदा एकादशीचे व्रत केले जाते. यावर्षी मोक्षदा एकादशी ११ डिसेंबरला आहे. असे मानले जाते की, जी एकादशी व्रत करतात ते पापांपासून मुक्त होतात आणि शेवटी वैकुंठ धाममध्ये जातात. मोक्षदा एकादशीला गीता जयंतीही साजरी केली जाते. हिंदू धर्मात एकादशी हा सर्वात शुभ दिवस मानला जातो. जाणून घ्या एकादशी व्रताची सुरुवात एकादशी तिथीच्या सुरुवातीपासून होते का?
मोक्षदा एकादशी मुहूर्त -
मोक्षदा एकादशी तिथी ११ डिसेंबर २०२४ रोजी पहाटे ०३ वाजून ४२ मिनिटांनी सुरू होईल आणि १२ डिसेंबर २०२४ रोजी सकाळी ०१ वाजून ०९ मिनिटांनी संपेल. उदया तिथीनुसार ११ डिसेंबर रोजी एकादशी साजरी केली जाईल.
मोक्षदा एकादशी पूजन मुहूर्त -
उन्नती : सकाळी ०७ वाजून ०३ मिनिट ते रात्री ०८ वाजून २१ मिनिट
अमृत - सर्वोत्तम : सकाळी ०८ वाजून २१ मिनिट ते रात्री ०९ वाजून ३८ मिनिट
लाभ - उन्नती : दुपारी ०४ वाजून ०७ मिनिट ते संध्याकाळी ०५ वाजून २४ मिनिट
मोक्षदा एकादशी व्रत पारण वेळ -
मोक्षदा एकादशी व्रत पारणा १२ डिसेंबर २०२४, गुरुवार रोजी साजरा केला जाईल. मोक्षदा एकादशी व्रत पारणाची वेळ सकाळी ०७.०४ ते ०९.०८ अशी असेल. पारण तिथीच्या दिवशी द्वादशीची शेवटची वेळ रात्री १०.२६ आहे.
मोक्षदा एकादशी पूजा विधी -
घर स्वच्छ करा. रोजचे काम उरकून पाण्यात गंगाजल टाकून स्नान करावे. यानंतर आचमन करून स्वतःची शुद्धी करा. पिवळ्या रंगाचे कपडे घाला. आता सूर्यदेवाला जल अर्पण करा. यानंतर पंचोपचार करून विधीनुसार भगवान विष्णूची पूजा करावी. यावेळी भगवान विष्णूला पिवळी फुले, फळे, पिवळे वस्त्र, हळद, नारळ इत्यादी अर्पण करा. पूजेच्या वेळी विष्णू चालिसाचे पठण करा. त्याच वेळी, पूजेच्या शेवटी आरती करा. दिवसभर उपवास ठेवा. त्याचबरोबर संध्याकाळी आरती केल्यानंतर क्षमा प्रार्थना करावी. यादिवशी फराळ करावा, पूजा केल्यानंतर दुसऱ्या दिवशी उपवास सोडावा.
डिस्क्लेमर : ही माहिती केवळ धार्मिक श्रद्धा आणि विविध माध्यमांवर आधारित आहे. हिंदुस्तान टाइम्स मराठी तसा दावा करत नाही.
संबंधित बातम्या