Masik Shivratri Date : फेब्रुवारीतील मासिक शिवरात्रीचा उपवास कधी? तारीख, पूजा वेळ, मंत्र, महत्त्व जाणून घ्या
Masik Shivratri 2024 : मासिक शिवरात्रीच्या व्रताचे विशेष महत्त्व आहे. या दिवशी महादेव शंकराची पूजा केल्याने घरात सुख-समृद्धी येते.
Masik Shivratri 2024 Date : हिंदू धर्मात प्रत्येक महिन्याच्या कृष्ण पक्षातील चतुर्दशी तिथीला मासिक शिवरात्रीचा व्रत करण्याचा नियम आहे. या दिवशी व्रत आणि भगवान शंकराची पूजा केल्याने सर्व मनोकामना पूर्ण होतात.
मासिक शिवरात्रीच्या दिवशी भगवान शंकराला बेलाची पाने, फुले, अगरबत्ती आणि नैवेद्य अर्पण करून महादेवाच्या मंत्राचा जप केल्याने जीवनातील सर्व इच्छा पूर्ण होतात. तसेच, जीवनातील सर्व समस्या दूर होतात. जो भक्त हे व्रत पाळतो त्याच्यावर भगवान शंकर प्रसन्न होतात आणि त्याचे सर्व कार्य सफल करतात.
चला तर मग जाणून घेऊया फेब्रुवारी महिन्यात कोणते मासिक शिवरात्रीचे व्रत पाळले जाणार आहे आणि पूजेसाठी कोणता शुभ मुहूर्त असेल.
मासिक शिवरात्री २०२४ व्रत पूजेची वेळ आणि तारीख
माघ महिन्यातील कृष्ण पक्षातील चतुर्दशी तिथी ८ फेब्रुवारी रोजी सकाळी ११.१७ पासून सुरू होईल. चतुर्दशी तिथी ९ फेब्रुवारी रोजी सकाळी ८.०२ वाजता समाप्त होईल. अशा परिस्थितीत फेब्रुवारीतील मासिक शिवरात्री व्रत ८ फेब्रुवारी २०२४ रोजी पाळण्यात येणार आहे. भगवान शंकराच्या पूजेसाठी निशिता मुहूर्त ८ फेब्रुवारी रोजी सकाळी १२:०९ ते दुपारी १:०१ वाजेपर्यंत असेल. दुसरीकडे, मासिक शिवरात्रीच्या दिवशी पूजेसाठी ब्रह्म मुहूर्त पहाटे ५.२१ ते ६.१३ वाजेपर्यंत असेल.
मासिक शिवरात्रीचे महत्त्व
मासिक शिवरात्रीच्या दिवशी भगवान शंकरासोबत पार्वतीची पूजा अवश्य करा. असे केल्याने कुटुंबात आनंद टिकून राहतो. यासोबतच वैवाहिक जीवन मधुर होऊन मुले सुखी होतात. मासिक शिवरात्रीच्या दिवशी व्रत ठेवून पूजाविधी केल्यास पुण्य प्राप्त होते.
भगवान शंकराच्या या मंत्रांचा जप करा
१) ओम त्र्यंबकम यजमाहे सुगंधी पुष्टीवर्धनम्। उर्वरुकमिव बंधनानां मृत्युोर्मक्षिय ममृतात् ॥
२) ओम नमः शिवाय
३) ॐ नमो भगवते रुद्रय
४) ॐ तत्पुरुषाय विद्महे महादेवाय
संबंधित बातम्या