मराठी बातम्या  /  धर्म  /  Masan Holi 2024 Date : मसान होळी कधी आहे? लोक चितेच्या राखेनं होळी का खेळतात? जाणून घ्या

Masan Holi 2024 Date : मसान होळी कधी आहे? लोक चितेच्या राखेनं होळी का खेळतात? जाणून घ्या

Rohit Bibhishan Jetnavare HT Marathi
Mar 18, 2024 02:49 PM IST

Masan Holi 2024 Date : काशीमध्ये खेळल्या जाणाऱ्या मसान होळीला चिता भस्म होळी असेही म्हणतात. चितेच्या राखेने होळी खेळण्याची परंपरा अनेक वर्ष जुनी आहे. ही होळी देवांचे दैवत महादेवाला समर्पित आहे.

Masan Holi 2024 Date सान होळी कधी आहे? लोक चितेच्या राखेनं होळी का खेळतात? जाणून घ्या
Masan Holi 2024 Date सान होळी कधी आहे? लोक चितेच्या राखेनं होळी का खेळतात? जाणून घ्या

सनातन धर्मात होळी सणाला खूप महत्त्व आहे. हा सण देशभरात अनेक प्रकारे साजरा केला जातो. मथुरेच्या होळीशिवाय काशीची मसान होळीही खूप प्रसिद्ध आहे. काशीमध्ये दरवर्षी फाल्गुन महिन्यातील शुक्ल पक्षाच्या एकादशीच्या दुसऱ्या दिवशी मसान होळी साजरी केली जाते. या होळीत लोक मोठ्या संख्येने सहभागी होतात. यंदा २१ मार्च रोजी मसान होळी साजरी केली जाणार आहे.

या दिवशी लोक चितेच्या राखेने होळी खेळतात आणि महादेवाची विशेष पूजा करतात. अशा परिस्थितीत काशीमध्ये चितेच्या राखेने होळी का खेळली जाते ते जाणून घेऊया.

चितेच्या राखेने होळी का खेळली जाते

काशीमध्ये खेळल्या जाणाऱ्या मसान होळीला चिता भस्म होळी असेही म्हणतात. चितेच्या राखेने होळी खेळण्याची परंपरा अनेक वर्ष जुनी आहे. ही होळी देवांचे दैवत महादेवाला समर्पित आहे. मसणाची होळी हे मृत्यूवर विजयाचे प्रतीक मानले जाते.

धार्मिक मान्यतेनुसार भगवान भोलेनाथांनी यमराजाचा पराभव केल्यानंतर चितेच्या राखेने होळी खेळली होती. तेव्हापासून हा दिवस संस्मरणीय बनवण्यासाठी दरवर्षी मसान होळी खेळली जाते. हा सण २ दिवस साजरा केला जातो. पहिल्या दिवशी लोक चितेची राख गोळा करतात आणि दुसऱ्या दिवशी होळी खेळतात.

अशा प्रकारे साजरी केली जाते मसान होळी

चितेच्या राखेने होळी खेळण्याचे दृश्य तुम्हाला फक्त काशीमध्येच पाहायला मिळेल. या उत्सवादरम्यान शिवभक्त आनंदाने नाचतात, गातात आणि उत्सव साजरा करतात. काशीचा मणिकर्णिका घाट हर-हर महादेवाच्या जयघोषाने दणाणून जातो. या विशेष प्रसंगी लोक एकमेकांना चितेची राख आणि गुलाल लावतात आणि सुख, समृद्धी आणि वैभवासाठी महादेवाचा आशीर्वाद घेतात.

WhatsApp channel

विभाग