Mangalagaur Celebration : स्वीडनमध्ये थाटात साजरा झाला ‘मंगळागौर’चा सण

श्रावण महिना हा सण, उत्सव आणि व्रतवैकल्याचा महिना मानला जातो. श्रावण महिना हा नवविवाहितांसाठी खास असतो. श्रावणात नवविहावित तरुणी माहेरी जाऊन मंगळागौरचं व्रत करत असतात. नोकरी व्यवसायानिमित्त जगभरात विखुरलेले मराठी नागरिक आपले मराठमोळे सण आणि संस्कृती टिकवून ठेवण्यासाठी कायम अग्रेसर असतात. स्वीडनमध्ये राहणाऱ्या अनिवासी भारतीय मराठी नागरिकांनी मंगळागौरचा सण नुकताच मोठ्या उत्साहात साजरा केला. स्वीडनमध्ये गोथनबर्ग शहरात यंदा मंगळागौर कार्यक्रमाचे आयोजन करण्यात आले होते. गोथनबर्ग महाराष्ट्र मंडळाद्वारे गेल्या वर्षी या कार्यक्रमाची सुरुवात करण्यात आली होती. गेल्यावर्षी मिळालेल्या उत्तम प्रतिसादामुळे यावर्षी नव्या जोमाने मंगळागौरचा कार्यक्रम आयोजित करण्यात आला होता.