Mahashivratri 2025: महाशिवरात्रीला शिवलिंगावर अर्पण करा ५ गोष्टी, महादेव होतील प्रसन्न

काळे तीळ

ज्योतिषशास्त्रानुसार शिवलिंगावर काळे तीळ अर्पण केल्याने व्यक्तीला सर्व प्रकारच्या त्रासांपासून मुक्ती मिळते. यासोबतच शनिदोष आणि शनिच्या साडेसातीचे अनिष्ट परिणाम कमी होतील, असे मानले जाते.

बेल पत्र

असे मानले जाते की भगवान शंकराला बेलपत्र अर्पण केल्याने आशीर्वाद मिळतो आणि दारिद्र्य दूर होते. त्याचबरोबर शिवाला बेलपत्र अर्पण केल्याने आध्यात्मिक शक्ती प्राप्त होते.

हेही वाचा- शिव आणि विष्णू एकचि प्रतिमा, संत नरहरी सोनार यांनी मिटवला हरि-हराचा वाद, जाणून घ्या कथा

भांग-धोतरा

शिवपुराणानुसार समुद्र मंथनाच्या वेळी विषाचा प्यालाही बाहेर पडला. मात्र हे विष किंवा हलाहल तेव्हा कोणीही प्राशन करू शकले नाही. तेव्हा सर्व देवी-देवता विषाचा प्याला घेऊन भगवान शंकराकडे आले. सृष्टीचे रक्षण करण्यासाठी भगवान शंकराने ते विष पिऊन टाकले होते. हे विष प्राशन केल्यानंतर भगवान शिव बेशुद्ध झाले. विषाचा प्रभाव कमी व्हावा म्हणून सर्वांनी शिवाच्या मस्तकावर भांग आणि धोतरा ठेवला. तेव्हापासून भगवान शंकराला भांग आणि धोतरा अर्पण करण्याची प्रथा पडली आणि तिला धार्मिक मान्यता आहे.

चंदन

महाशिवरात्रीला भगवान शंकराला चंदन अर्पण करणे अत्यंत शुभ मानले जाते. असे केल्याने भगवान शिव प्रसन्न होतात आणि सुख-समृद्धीचा आशीर्वाद देतात, असे मानले जाते.

हेही वाचा- शब्बे बारात हा दिवस कसा साजरा केला जातो? जाणून घ्या या दिवशी काय करतात

दूध आणि गंगाजल

महाशिवरात्रीच्या दिवशी भगवान शंकराला दूध आणि पाण्याने अभिषेक करावा. असे केल्याने महादेव प्रसन्न होतात आणि जीवनातील समस्यांपासून मुक्ती मिळवतात. इतकेच नाही, तर भगवान शंकर आपले संकटांपासून संरक्षण करतात, असे मानले जाते.

Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.