Maha Kumbha Mela: महाकुंभमेळा कधी आणि कुठे होणार? जाणून घ्या कुंभ आणि महाकुंभमध्ये काय आहे फरक!
Maha kumbh mela 2025: हिंदू धर्मात कुंभमेळ्याला अनन्यसाधारण महत्त्व आहे. जाणून घ्या २०२५ मध्ये कुंभमेळा कधी सुरू होईल आणि तो कुठे आयोजित केला जाईल. शिवाय शाही स्नानाच्या तारखाही (Maha Kumbha Mela Dates) जाणून घ्या.
Maha Kumbha Mela: कुंभमेळा हा हिंदू धर्मातील एक महत्त्वाचा सण आहे. कुंभमेळ्यात कोट्यवधी भाविक एकत्र जमतात आणि नदीत स्नान करतात. तब्बल १२ वर्षांनंतर महाकुंभाचे आयोजन करण्यात आले आहे. कुंभमेळा भारतातील केवळ चार पवित्र नद्या आणि चार तीर्थक्षेत्रांवर भरतो. प्रयागराज, हरिद्वार, नाशिक आणि उज्जैन येथेच महाकुंभाचे आयोजन केले जाते. संगम (प्रयागराज येथे गंगा, जमुना आणि सरस्वतीचा संगम), हरिद्वार येथे गंगा नदी, नाशिक येथे गोदावरी आणि उज्जैन येथे शिप्रा नदी येथे कुंभमेळा भरतो. जाणून घ्या, महाकुंभ कधी आणि कुठे सुरू होईल. तसेच कुंभ आणि महाकुंभात नेमके काय अंतर आहे, हेही जाणून घेऊया.
महाकुंभ २०२५ कुठे आहे?
प्रयागराज येथे १३ जानेवारी २०२५ ते २६ फेब्रुवारी २०२५ या कालावधीत महाकुंभमेळा होणार आहे. पौष पौर्णिमेपासून सुरू होणारा महाकुंभमेळा महाशिवरात्रीला संपणार आहे. तब्बल १२ वर्षांनंतर प्रयागराजमध्ये कुंभमेळा होत आहे. यापूर्वी २०१३ मध्ये प्रयागराजमध्ये महाकुंभाचे आयोजन करण्यात आले होते.
महाकुंभ 2025 शाही स्नानाची तिथी-
१३ जानेवारी २०२५- पौष पौर्णिमेच्या मुहूर्तावर पहिले शाही स्नान होणार आहे.
१४ जानेवारी २०२५ - मकर संक्रांतीच्या शुभमुहूर्तावर शाही स्नान होणार आहे.
२९ जानेवारी २०२५ - मौनी अमावस्येला शाही स्नान करण्यात येणार आहे.
०३ फेब्रुवारी २०२५ - बसंत पंचमीला शाही स्नान होईल.
१२ फेब्रुवारी २०२५ - माघ पौर्णिमेच्या शुभमुहूर्तावर शाही स्नान होणार आहे.
२६ फेब्रुवारी २०२५ - महाशिवरात्रीच्या शुभमुहूर्तावर शाही स्नान करण्यात येणार आहे.
कुंभ आणि महाकुंभ यात काय फरक आहे?
गोदावरी, शिप्रा, गंगा आणि संगम येथे तीन वर्षांतून एकदा कुंभमेळ्याचे आयोजन केले जाते. हर, हरिद्वार आणि संगम येथे दर सहा वर्षांनी अर्धकुंभमेळा भरतो. पूर्ण कुंभमेळा बारा वर्षांतून एकदा भरतो. महाकुंभमेळा १४४ वर्षातून एकदा (१२ पूर्णकुंभ पूर्ण झाल्यावर) भरतो. प्रयागराजमधील संगम घाटावरच हा सोहळा पार पडतो.
कुंभमेळ्याचे महत्त्व
असे मानले जाते की कुंभमेळा चार धार्मिक स्थळांवर होतो जिथे ब्रह्मांडीय समुद्र मंथनादरम्यान अमृताचे काही थेंब पडले (क्षीर सागर). कुंभमेळ्यात सहभागी होणारे भाविक पवित्र नद्यांमध्ये स्नान करून देवाचा आशीर्वाद घेतात.
Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.
