Magh Purnima : फेब्रुवारी महिन्यात पौर्णिमा कधी आहे? जाणून घ्या स्नान-दानाची वेळ आणि महत्त्व
Magh Purnima 2025 Date : पौर्णिमा व्रत दर महिन्याला केले जाते, अशा प्रकारे वर्षभरात एकूण १२ पौर्णिमा असतात. जाणून घ्या फेब्रुवारी महिन्यात पौर्णिमा कधी आहे, त्याचे महत्व आणि स्नान-दानाची शुभ वेळ काय आहे.
February Magh Purnima 2025 In Marathi : हिंदू धर्मात पौर्णिमा तिथीला विशेष महत्त्व आहे. दर महिन्याला पौर्णिमा असते. फेब्रुवारीमध्ये माघ पौर्णिमा व्रत पाळण्यात येईल. हिंदू धर्मात माघ पौर्णिमेचा दिवस अत्यंत शुभ आणि फलदायी मानला जातो.
हिंदू धर्माच्या मान्यतेनुसार माघ महिन्यातील प्रत्येक दिवस दानासाठी विशेष मानला जातो. परंतु माघ पौर्णिमेचा दिवस हा स्नान आणि दानासाठी अत्यंत शुभ आणि महत्त्वाचा आहे. या दिवशी पवित्र नदीत स्नान करून दान केल्याने जीवनात सुख-समृद्धी येते. पौर्णिमेच्या दिवशी लक्ष्मी आणि भगवान विष्णूची पूजा करण्याची परंपरा आहे. जाणून घ्या फेब्रुवारीमध्ये माघ पौर्णिमा कधी आहे, स्नान आणि दान करण्याची शुभ वेळ आणि महत्त्व.
माघ पौर्णिमा कधी आहे?
पंचांगानुसार, पौर्णिमा तिथी ११ फेब्रुवारी २०२५ रोजी संध्याकाळी ६ वाजून ५५ मिनिटांनी सुरू होईल आणि १२ फेब्रुवारी २०२५ रोजी संध्याकाळी ७ वाजून २२ मिनिटांनी समाप्त होईल. उदया तिथीनुसार १२ फेब्रुवारी २०२५ रोजी माघ पौर्णिमा साजरी केली जाईल.
माघ पौर्णिमा शुभ मुहूर्त -
ब्रह्म मुहूर्त - पहाटे ५:१९ ते ६:१०
प्रातः सन्ध्या - सकाळी ५:४५ ते ७:२
विजय मुहूर्त - दुपारी २:२७ ते दुपारी ३:११ पर्यंत
गोधूलि मुहूर्त - संध्याकाळी ६:७ ते संध्याकाळी ६:३२
अमृत काळ- संध्याकाळी ५:५५ ते ७:३५ पर्यंत
माघ पौर्णिमा शुभ चौघडिया आणि स्नान-दान करण्याची वेळ -
लाभ - उन्नति : सकाळी ७:२ ते ८:२५
अमृत - सर्वोत्तम: सकाली ८:२५ ते ९:४९
शुभ - उत्तम: सकाळी ११:१२ ते १२:३५
लाभ - उन्नति: दुपारी ४:४६ ते ६:९
माघ पौर्णिमेच्या दिवशी चंद्रोदय:
माघ पौर्णिमेच्या दिवशी चंद्रोदय संध्याकाळी ५:५९ मिनिटांनी होईल. हिंदू धर्माच्या मान्यतेनुसार पौर्णिमेच्या दिवशी चंद्रदेवाची पूजा करून अर्घ्य अर्पण केल्याने कुंडलीतील चंद्राची स्थिती मजबूत होते आणि जीवनात सुख-समृद्धी आणि संपत्ती वाढते.
पौर्णिमेच्या दिवशी स्नान आणि दान करण्याचे महत्त्व :
हिंदू धर्माच्या मान्यतेनुसार माघ पौर्णिमेच्या दिवशी स्नान-दान वगैरे केल्यास त्वरित फळ मिळते. कल्पवासही माघ पौर्णिमेच्या दिवशी संपतो. माघ महिन्यात अनेक भाविक प्रयाग येथे गंगेच्या काठावर महिनाभर मुक्काम करतात, याला कल्पवास म्हणतात.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. ही माहिती केवळ धार्मिक श्रद्धा आणि विविध माध्यमांवर आधारित आहे. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)
संबंधित बातम्या