Kartiki Ekadashi: पांडुरंगाच्या भक्तांसाठी खुशखबर! कार्तिकी एकादशीला पंढरपुरात विठ्ठल-रखुमाईचे मिळणार २४ तास दर्शन!
kartiki Ekadashi: कार्तिकी यात्रेसाठी पंढरपुरात आलेल्या भाविकांना दर्शन देण्यासाठी भक्तांचा लाडका देव विठ्ठल आता २४ तास उभा राहणार आहे. कार्तिक एकादशीच्या निमित्ताने २० नोव्हेंबरपर्यंत भाविकांना २४ तास देवाचे दर्शन घेण्याची संधी मिळणार आहे. हे २४ दर्शन सुरू करण्यात आले आहे.
kartiki Ekadashi: सध्या कार्तिक मास सुरू असून आषाढी वारीनंतर आता विठ्ठलाच्या भक्तांना कार्तिकी एकादशीचीचे वेध लागले आहेत. दरवर्षी राज्यभरातून कार्तिकी एकादशीला लाखो भाविक पंढपुरात येत असतात. कार्तिकी यात्रेसाठी नुकतेच पंढरपुरात आलेल्या भाविकांना दर्शन देण्यासाठी भगवान विठ्ठल आता येथे २४ तास उभे राहणार आहेत. याबाबत नुकतेच ०४ ते २० नोव्हेंबर या कालावधीत भाविकांना २४ तास देवाचे दर्शन घेण्याची संधी मिळणार असल्याचे मंदिर प्रशसनाकडून सांगण्यात आले. देवाच्या चांदीच्या विश्रांतीच्या पलंगाची विधिवत पूजा करण्यात आली असून विठ्ठलाच्या पाठीवर व रुक्मिणी मातेच्या पाठीवर मऊ कापसाची उशी ठेवण्यात आली. दैनंदिन पूजा, नैवेद्य, पेहराव, लिंबूपाणी आदी विधी वगळता सुमारे २२ तास १५ मिनिटे भाविकांना भगवंताचे दर्शन घेता येणार आहे, अशी माहिती श्री विठ्ठल रुक्मिणी मंदिर समितीचे व्यवस्थापक मनोज श्रोत्री यांनी दिली आहे.
या दिवशी आहे कार्तिकी एकादशी
मंगळवारी, १२ नोव्हेंबर रोजी कार्तिकी एकादशी आहे. कार्तिकी एकादशीच्या निमित्ताने लाखो भाविक देवाचे दर्शन घेण्यासाठी पंढरपुरात येतात. येथे एकादशीनिमित्त भाविक देवापुढे नतमस्तक होऊन आशीर्वाद घेण्यासाठी येतात. वारकरी संप्रदायाची परंपरा शेकडो वर्षांपासून चालत आलेली आहे. या परंपरेनुसार, भक्तांच्या दर्शनासाठी आषाढी आणि कार्तिकी वारी दरम्यान २४ तास पांडुरंग उभा राहतो. या दरम्यान देवाच्या घरातून विश्रांतीचा पलंग काढला जातो.
कार्तिकी एकादशीला सुमारे ६० हजार भक्त पंढरपुरात होतात दाखल
परंपरेनुसार, अंथरुण काढण्यापूर्वी, योग्य पूजा केली गेली, त्यानंतर देवाचा पलंग दुसऱ्या खोलीतून काढला गेला. त्याच वेळी या चांदीच्या पलंगावरील देवाची गादीही बाहेर काढण्यात आली, देवाचे घर पूर्णपणे रिकामे झाले. यावेळी सर्व सुखसोयी दूर होऊन विठ्ठलाचे दर्शन फक्त भाविकांसाठीच २४ तास खुले राहिल्याने आता ५० ते ६० हजार भाविकांना राज दर्शन घेता येणार आहे.
भगवान विठ्ठलाची दिनचर्या
मंदिराच्या वेळापत्रकानुसार पहाटे साडेचार वाजता देवाचे स्नान व नित्य पूजा होईल. या काळात केवळ एक तास दर्शन बंद राहणार आहे. लिंबूपाणी देण्यासाठी दुपारी १५ मिनिटे व रात्री ९ वाजता दर्शन बंद ठेवण्यात येणार असल्याची माहिती मंदिर समितीचे कार्यकारी अधिकारी राजेंद्र शेळके यांनी दिली आहे. इतर वेळी विठुराया रात्रंदिवस उभे राहून आपल्या लाडक्या भक्तांना दर्शन देणार आहेत.
महाप्रसाद योजनेत सहभागी होण्याचे आवाहन
श्री विठ्ठल-रखुमाईला महाप्रसाद अर्पण करण्यासाठी देणगी देऊन भाविक महाप्रसाद सहभाग योजनेत सहभागी होऊ शकतात. याबाबत अधिक माहितीसाठी पंढरपूर विठ्ठल-रुक्मिणी मंदिर समितीच्या कार्यालयात संपर्क साधावा, असे आवाहन करण्यात आले आहे. तसेच दर्शनासाठी येणाऱ्या भाविकांची कोणतीही गैरसोय होऊ नये यासाठी मंदिर समितीतर्फे विशेष व्यवस्था करण्यात आली आहे.
