Kartik Purnima: कार्तिक पौर्णिमेला कोणत्या वस्तूंचे दान करावे?, अनेक पटींनी मिळतील लाभ!
Kartik Purnima: सनातन संस्कृतीत कार्तिक पौर्णिमेची तिथी अत्यंत पवित्र मानली जाते. या तिथीला साजरी होणाऱ्या देवदीपावलीच्या उत्सवाशी संबंधित तीन पौराणिक कथा आहेत. हा भाग शिव, पार्वती आणि विष्णूवर केंद्रित आहे.
Kartik Purnima 2024: सनातन संस्कृतीत कार्तिक पौर्णिमेची तिथी अत्यंत पवित्र मानली जाते. यावर्षी १५ नोव्हेंबर रोजी काशी येथे देवदीपावलीचा भव्य सण साजरा केला जाणार आहे. कार्तिक पौर्णिमेला स्नान आणि दानाला खूप महत्त्व आहे. असे म्हटले जाते की, या दिवशी जे काही दान केले जाते, त्याचे फळ अनेक पटींनी मिळते. कार्तिक पौर्णिमेला आपल्या ग्रहांची शांती करण्यासाठी तुम्ही दान करू शकता.
ज्योतिषी विमल जैन यांनी सांगितले की, कार्तिक शुक्ल पक्षाची पौर्णिमा आज १५ नोव्हेंबर रोजी सकाळी ०६ वाजून २० मिनिटांपासून ते उत्तर रात्री ०२ वाजून ५९ मिनिटांपर्यंत असणार आहे. त्याच प्रमाणे १४ नोव्हेंबरच्या मध्यरात्रीपासून म्हणजेच १२ वाजून 33 मिनिटांनी सुरू झालेले भरणी नक्षत्र आज १५ नोव्हेंबर रोजी रात्री ०९ वाजून ५५ मिनिटांपर्यंत असेल. त्यानंतर कृतिका नक्षत्र सुरू होईल.
कार्तिक पौर्णिमेला कोणत्या वस्तूंचे दान करावे
कार्तिक पौर्णिमेच्या दिवशी प्रथम पवित्र नदीत स्नान करावे आणि त्यानंतर दान करावे. याचे कोटींच्या पटीत फळ मिळते, असे मानले जाते. या दिवशी गंगेत स्नान करता येत नसेल तर गंगेचे पाणी पाण्यात मिसळून त्या पाण्याने स्नान करावे.
तसेच ज्या लोकांत्या कुंडलीत ग्रह कमजोर असतील त्यानुसार दान करण्याचे सांगितले गेले आहे. पाहूया कोणी कशा प्रकारचे दान करावे...
> ज्या लोकांच्या कुंडलीत सूर्य कमकुवत असतो त्यांनी तांब्याचे दान करावे.
> ज्या लोकांचा चंद्र कमकुवत आहे, त्यांनी तांदूळ दान करावे.
> गुरु कमकुवत असेल तर हळद आणि हरभरा डाळीचे दान करावे.
> ज्यांचा मंगळ कमकुवत आहे त्यांनी लाल डाळीची डाळ दान करावी
> ज्यांचा बुध कमकुवत आहे त्यांनी हिरवी मूग डाळ दान करावी.
कार्तिक पौर्णिमेला सर्वात मोठे दान दिव्यांचे दान
असे म्हटले जाते की कार्तिक पौर्णिमेच्या दिवशी सर्वात मोठे दान म्हणजे दिव्यांचे दान. गरिबांनी फळे, तीळ, कपडे आणि गूळ दान करावे. याचे फार मोठे फळ मिळते असे मानले जाते.
Disclaimer: या लेखात दिलेली माहिती पूर्णपणे खरी आणि अचूक असल्याचा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा.
