Indira Ekadashi : इंदिरा एकादशी सिद्ध व साध्य योगात; पूजेसोबत हे काम नक्की करा, पूर्वज होतील प्रसन्न
Indira Ekadashi Pujan Muhurat : हिंदू धर्माच्या मान्यतेनुसार एकादशीचे व्रत केल्यास शुभ फळ मिळते. वर्षभरात एकूण २४ एकादशी व्रत केले जातात. इंदिरा एकादशीला सिद्ध आणि साध्य योग तयार होत आहेत. जाणून घ्या पितृ पक्षातील इंदिरा एकादशीची पूजा वेळ आणि पूजा पद्धत
Indira Ekadashi 2024 : हिंदू धर्मात एकादशीचे व्रत फार महत्वाचे मानले जाते. ही तिथी भगवान विष्णूला समर्पित आहे. या दिवशी विधीनुसार भगवान श्री हरींची पूजा करावी, असे मानले जाते. वर्षभरात एकूण २४ एकादशी व्रत केले जातात.
भाद्रपद महिन्यातील कृष्ण पक्षातील एकादशीला इंदिरा एकादशीचे व्रत केले जाते. इंदिरा एकादशी पितृ पक्षात येते त्यामुळे या एकादशीला खास महत्व आहे. यावर्षी इंदिरा एकादशी २८ सप्टेंबर २०२४ रोजी शनिवारी आहे. इंदिरा एकादशीला सिद्ध आणि साध्य योगाचा शुभ संयोग होत आहे. ज्योतिष शास्त्रामध्ये हे दोन्ही योग शुभ कार्यासाठी खूप चांगले मानले जातात. असे मानले जाते की या योगात केलेल्या कामामुळे यश मिळते. इंदिरा एकादशीला भगवान विष्णूची पूजा करण्याची शुभ वेळ आणि उपवास सोडण्याची वेळ जाणून घ्या-
इंदिरा एकादशी पूजा मुहूर्त-
एकादशी तिथी २७ सप्टेंबर २०२४ रोजी दुपारी १ वाजून २० मिनिटांनी सुरू होईल आणि २८ सप्टेंबर २०२४ रोजी दुपारी २ वाजून ४९ मिनिटांनी समाप्त होईल. इंदिरा एकादशी पूजेचा शुभ मुहूर्त सकाळी ७:४१ ते ९:११ पर्यंत असेल. यानंतर दुपारी १:४० ते ३:१० पर्यंत शुभ मुहूर्त आहे आणि शुभ मुहूर्त दुपारी ३:१० ते ४:४० पर्यंत असेल.
सिद्ध आणि साध्य योग-
एकादशीच्या दिवशी रात्री ११.५१ पर्यंत सिद्ध योग राहील. यानंतर साध्ययोग सुरू होईल.
एकादशी व्रताचा संकल्प करून व्रत सुरू करावे. यादिवशी संध्याकाळी तीळ, जव, गहू, फळे, मिठाई, दूध यासारख्या वस्तूंचे दान करावे. ज्यामुळे पूर्वज खूप प्रसन्न होतील, संपूर्ण कुटुंबाचे रक्षण करतील, कुटुंबात कधीही विघ्न येऊ देणार नाही, घराला पुण्य फळ लाभेल.
सूर्योदयानंतर केले जाते पारण-
हिंदू धर्मशास्त्रानुसार एकादशी व्रताच्या समाप्तीला व्रत पारण म्हणतात. दुसऱ्या दिवशी सूर्योदयानंतर एकादशीचे व्रत सोडले जाते. द्वादशी तिथी संपण्यापूर्वी एकादशी व्रताचे पारण आवश्यक आहे.
इंदिरा एकादशी व्रत पारणची वेळ -
इंदिरा एकादशी व्रत पारण २९ सप्टेंबर २०२४, रविवारी होईल. सकाळी ६:१२ ते ८:३५ पर्यंत व्रत सोडण्याची शुभ वेळ असेल. व्रत सोडण्याच्या दिवशी द्वादशी तिथी समाप्त होण्याची वेळ दुपारी ४:४७ आहे.
(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)
