शाकाहारी असूनही पूजा किंवा उपवासात कांदा-लसूण का आहे वर्ज्य? वाचा यामागचं नेमकं कारण

हेही वाचा: मंगळ दोष म्हणजे काय? कसा होईल दूर, सुखी वैवाहीक जीवनासाठी करा हे उपाय

तीन वर्गांमध्ये भोजनाचे विभाजन

वैदिक शास्त्रानुसार, मनुष्याचे भोजन तीन वर्गात विभाजित करण्यात आले आहे. यामध्ये सात्विक, राजसिक आणि तामसिक भोजन असे प्रकार पडतात. प्राचीन काळापासून असे म्हटले जाते की, 'मनुष्य जसे अन्न खातो तसे वर्तन करतो'. अर्थातच आपण खात असलेल्या अन्नाचा परिणाम आपल्या वागण्या, बोलण्यावर होत असतो. त्यामुळेच शास्त्रात सात्विक भोजन खाण्याचा सल्ला देण्यात आला आहे. शिवाय तामसिक भोजन वर्ज्य करण्यास सांगण्यात आले आहे.

सात्विक भोजन

वैदिक शास्त्रानुसार ज्या अन्नात सत्वगुण जास्तीत-जास्त असतात अशा भोजनाला सात्विक भोजन म्हणून संबोधले जाते. दूध, तूप, मैदा, हिरव्या पालेभाज्या, फळे इत्यादी गोष्टींचा समावेश सात्विक भोजनात होतो. या पदार्थांचा भोजनात समावेश केल्याने मन शांत राहते. शरीर निरोगी राहते. आणि आपल्यामध्ये एक प्रकारची सकारात्मक ऊर्जा निर्माण होते. त्यामुळे प्रत्येक पूजेत अथवा उपवासात सात्विक भोजन खाण्याचा सल्ला देण्यात येतो.

हेही वाचा: अयोध्येतील राम मंदिरात पुजाऱ्यांना मोबाइल वापरण्यास मनाई; पोषाखातही बदल

राजसिक भोजन

वैदिक शास्त्रानुसार ज्या अन्नपदार्थांमध्ये जास्तीत-जास्त मसाले आणि तेलाचा वापर होतो त्याला राजसिक अन्न म्हणून संबोधले जाते. यामध्ये मटण, चिकन, अंडी, मासा यांसारख्या मांसाहारी पदार्थांचादेखील समावेश केला जातो. हे पदार्थ पचनास जड असतात. शिवाय असे भोजन खाल्याने शरीरात आळशीवृत्ती वाढते. त्यामुळे हिंदू धर्मात शुभ कार्यात असे पदार्थ निषिद्ध मानले जातात.

तामसिक पदार्थ

ज्या पदार्थांमुळे रक्त प्रवाह वाढतो किंवा कमी होतो अशा पदार्थांना तामसिक पदार्थ म्हटले जाते. असे पदार्थ सेवन केल्याने मनुष्यात राग, अहंकार, चिडचिडपणा आणि द्वेष यांसारखे भाव वाढतात. त्यामुळे हिंदू धर्मात पूजापाठ आणि उपसावात असे पदार्थ निषिद्ध मानले जातात. विशेष म्हणजे कांदा आणि लसूण या पदार्थांचा समावेश तामसिक पदार्थांमध्ये होतो. त्यामुळेच शाकाहारी असूनसुद्धा कांदा आणि लसूण हे पूजापाठ आणि उपवासात वर्ज्य केले जातात.

हेही वाचा: आषाढ महिन्याचे धार्मिक महत्व, ह्या महिन्यात काय करावे व काय करू नये जाणून घ्या