Pradosh Vrat : नोव्हेंबर महिन्याचे शेवटचे प्रदोष व्रत कधी आहे? जाणून घ्या तारीख व पूजा मुहूर्त
November Guru Pradosh Vrat Date 2024: हिंदू धर्मात प्रदोष व्रताचे विशेष महत्त्व आहे. असे मानले जाते की, प्रदोष व्रताच्या दिवशी शिवलिंगाचा जलाभिषेक केल्याने दांपत्य जीवन सुखकर होते आणि पैशाशी संबंधित समस्या दूर होतात. जाणून घ्या नोव्हेंबर महिन्यातील शेवटचे प्रदोष व्रत कधी आहे…
Guru Pradosh Vrat 2024 November: मार्गशीर्ष महिन्यातील कृष्ण पक्षाची त्रयोदशी आणि गुरु प्रदोष व्रत एकाच दिवशी येण्याचा योगायोग होणार आहे. तसेच, नोव्हेंबर महिन्यातील हे शेवटचे प्रदोष व्रत असणार आहे. प्रदोष व्रत हे भगवान शंकराला समर्पित आहे. असे मानले जाते की, या दिवशी भगवान शिव आणि देवी पार्वतीची पूजा केल्याने जीवनात आर्थिक समृद्धी येते. असेही मानले जाते की, प्रदोष व्रत केल्याने पापांपासून मुक्ती मिळते आणि महादेव वमाता पार्वतीचे आशीर्वाद प्राप्त होतात. जाणून घ्या नोव्हेंबर महिन्यातील शेवटचे प्रदोष व्रत केव्हा आहे…
त्रयोदशी तिथी किती वाजल्यापासून ते किती वाजेपर्यंत असेल?
त्रयोदशी तिथी २८ नोव्हेंबर २०२४ रोजी सकाळी ०६ वाजून २३ मिनिटांनी सुरू होईल आणि त्रयोदशी २९ नोव्हेंबर २०२४ रोजी सकाळी ०८ वाजून ३९ मिनिटांनी संपेल.
नोव्हेंबर मध्ये गुरु प्रदोष व्रत कधी आहे?
उदयतिथी वैध असल्याने २८ नोव्हेंबर २०२४ रोजी गुरु प्रदोष व्रत पाळले जाईल.
गुरु प्रदोष पूजा मुहूर्त २०२४
प्रदोष व्रत पूजा मुहूर्त सायंकाळी ०५ वाजून २३ मिनिटांपासून ते ०८ वाजून ५ मिनिटांपर्यंत राहील. या काळात प्रदोष काळ असेल. प्रदोष काळात भगवान शंकराची पूजा करणे अत्यंत शुभ मानले जाते. असे मानले जाते की या काळात पूजा केल्याने शुभ फळ मिळते.
Darsh Amavasya 2024 : दर्श अमावस्येच्या दिवशी आवर्जून करा ‘हे’ ५ उपाय, पितरांना मिळेल शांती!
गुरु प्रदोष व्रत शुभ चौघडिया मुहूर्त
शुभ - उत्तम: सकाळी ०६:५३ ते ०८:१२
लाभ - उन्नती : दुपारी १२:०८ ते ०१:२७
अमृत - सर्वोत्तम : दुपारी ०१:२७ ते ०२:४६
शुभ - उत्तम : दुपारी ०४:०४ ते ०५:२३
अमृत - सर्वोत्कृष्ट : ०५:२३ ते ०७:०४
गुरु प्रदोष ठेवण्याचे फायदे
गुरु प्रदोष व्रत केल्याने कीर्ती, सुख, समृद्धी आणि यश प्राप्त होते. व्यक्तीच्या शारीरिक सुखात वाढ होते. गुरुवारी येणाऱ्या प्रदोष व्रताचे महत्त्व अधिक आहे. कारण, गुरुवार भगवान विष्णूला समर्पित आहे. अशा तऱ्हेने या दिवशी भगवान शिवासह भगवान विष्णूचा आशीर्वाद देखील प्राप्त होतो.
या लेखात दिलेली माहिती पूर्णपणे खरी आणि अचूक असल्याचा दावा आम्ही करत नाही. त्यांचा अवलंब करण्यापूर्वी संबंधित क्षेत्रातील तज्ज्ञांचा सल्ला घ्यावा.
