Geeta Updesh: ‘या’ गोष्टी आयुष्याला करतात उद्ध्वस्त; गीतेत भगवान श्रीकृष्णाने दिलेली महत्त्वाची शिकवण ऐकलीत?

भविष्याबद्दल काय सांगतात भगवान श्रीकृष्ण?

भगवान श्रीकृष्ण गीतेत म्हणतात की, भविष्याचे दुसरे नाव संघर्ष आहे. जर मनुष्याची एखादी इच्छा पूर्ण झाली नाही, तर त्याचे हृदय भविष्यातील गोष्टींचे नियोजन करू लागते. भविष्यात आपली इच्छा पूर्ण होईल, अशी त्याची कल्पना असते. पण जीवन ना भविष्यात आहे ना भूतकाळात. आपल्या समोर असलेल्या या क्षणांचा अनुभव घेण्याचे नावच जीवन आहे, हे तो विसरून जातो. गीतेत श्रीकृष्णाने मानवाच्या नाशाची पाच कारणे सांगितली आहेत. गीतेमध्ये असे लिहिले आहे की, जर एखाद्या व्यक्तीला अति झोपेची, रागाची, भीतीची, थकवाची आणि काम पुढे ढकलण्याची सवय असेल, तर त्या व्यक्तीचे भविष्य उद्ध्वस्त होते.

Geeta Updesh: भगवान श्रीकृष्णाने सांगितलेल्या ‘या’ गोष्टी नेहमी ठेवा लक्षात, आयुष्यात येईल सुखच सुख!

पैशाने नसते खरी श्रीमंती!

श्रीकृष्णाने गीतेमध्ये म्हटले आहे की, माणूस केवळ पैशाने श्रीमंत होत नाही, तर खरा श्रीमंत तो माणूस आहे ज्याच्याकडे चांगले विचार, गोड वागणूक आणि सुंदर विचार आहेत. श्रीकृष्ण म्हणतात की, माणसाने कोणत्याही परिस्थितीत धीर सोडू नये. जोपर्यंत तुमचे विचार आणि वागणूक चांगली होत नाहीत, तोपर्यंत तुमचे चांगले दिवस येत नाहीत.

‘अशा’वेळी कोणताही निर्णय घेऊ नका!

गीतेमध्ये असे लिहिले आहे की, जेव्हा तुम्ही खूप आनंदी किंवा खूप दुःखी असता, तेव्हा कोणताही निर्णय घेऊ नये. कारण या दोन्ही परिस्थिती तुम्हाला योग्य निर्णय घेऊ देत नाहीत. जर तुमच्यात स्वतःला बदलण्याची ताकद नसेल तर तुम्हाला देव किंवा नशिबाला दोष देण्याचा अधिकार नाही. प्रत्येक व्यक्तीने आपल्या भीतीचे धैर्यात रूपांतर केले पाहिजे, तरच तो प्रगतीच्या मार्गावर पुढे जाऊ शकतो.