Geeta Updesh: भगवद्गीतेतील ‘या’ ४ श्लोकांमध्ये दडलेय सुखी आणि यशस्वी जीवनाचे रहस्य! जाणून घ्या...

यद्यदाचरति श्रेष्ठस्तत्तदेवेतरो जन:।

स यत्प्रमाणं कुरुते लोकस्तदनुवर्तते।।

अर्थ- गीतेच्या या श्लोकाचा अर्थ असा आहे की, महापुरुष जे काही उदात्त कार्य करतात, इतर सामान्य लोकही त्याचप्रमाणे वागतात. महापुरुषांनी घालून दिलेली उदाहरणे पाहून संपूर्ण मानव समाज त्याच गोष्टींच्या मागे लागतो.

चिन्तया जायते दुःखं नान्यथेहेति निश्चयी।

तया हीनः सुखी शान्तः सर्वत्र गलितस्पृहः।।

अर्थ- गीतेच्या या श्लोकातून हे स्पष्ट करण्यात आले आहे की, दु:ख हे केवळ चिंतेमुळे उद्भवते, इतर कोणत्याही कारणाने नाही. म्हणून जो मनुष्य ही चिंता सोडून देतो तो सर्वत्र सुखी, शांतीमय व दुर्गुणांपासून मुक्त होतो.

Geeta Updesh: श्रीकृष्णांनी गीतेत सांगितलेल्या 'या' ४ गोष्टी पाळा, कधीच येणार नाही अपयश

कर्मण्येवाधिकारस्ते मा फलेषु कदाचन।

मा कर्मफलहेतुर्भूर्मा ते सङ्गोऽस्त्वकर्मणि।।

अर्थ- या श्लोकाचा अर्थ असा आहे की, मनुष्याला फक्त त्याच्या कृतींवर अधिकार आहे, परंतु आपण आपल्या कृतींचे परिणाम जाणून घेऊ शकत नाही. म्हणूनच श्रीकृष्णाने सांगितले आहे की, तुमचे काम करत राहा आणि परिणामाची चिंता करू नका. तसेच आळशी होऊ नका.

यत्साङ्‍ख्यैः प्राप्यते स्थानं तद्यौगैरपि गम्यते।

एकं साङ्‍ख्यं च योगं च यः पश्यति स पश्यति।।

अर्थ- गीतेच्या या श्लोकातून असे स्पष्ट केले आहे की, जे ज्ञान सांख्ययोगींना प्राप्त होते, तेच ज्ञान कर्मयोगींनाही प्राप्त होते. म्हणून जो व्यक्ती सांख्य आणि कर्मयोगाला समान मानतो तोच खरा यशस्वी ठरतो.