Geeta Updesh: ‘अशी’ व्यक्ती प्रत्येक गोष्टीकडे चुकीच्या दृष्टीकोनातून पाहते! काय सांगते गीतेची अनमोल शिकवण?

हिंदू धर्मात गीता हा अत्यंत पवित्र ग्रंथ मानला जातो. भगवान श्रीकृष्णाने महाभारताच्या काळात अर्जुनला ही शिकवण दिली होती. ज्या प्रत्यक्षात संपूर्ण मानवजातीला दिलेल्या शिकवणी होत्या. जीवनाचे सार त्यात दडलेले आहे.

मनावर नियंत्रण ठेवणे महत्त्वाचे आहे!

गीतेत असे लिहिले आहे की, अज्ञानी लोक प्रत्येक गोष्टीकडे चुकीच्या दृष्टीकोनातून पाहतात. ज्ञानाच्या कमतरतेमुळे, असे लोक योग्य काय आणि अयोग्य काय? यातील फरक समजून घेऊ शकत नाहीत. अशी लोकं प्रत्येक गोष्टीचा चुकीचा अर्थ लावतात. श्रीकृष्ण गीतेत म्हणतात की, कोणत्याही कामात यश मिळवण्यासाठी माणसाने मनावर नियंत्रण ठेवणे अत्यंत आवश्यक आहे. जेव्हा, तुम्ही कोणतेही काम करत असता, तेव्हा तुमचे मन शांत आणि स्थिर ठेवण्याचा प्रयत्न करा. क्रोधामुळे बुद्धीचा नाश होतो आणि त्यामुळे केलेले कामही बिघडते. त्यामुळे मनाला नेहमी शांत ठेवण्याचा प्रयत्न केला पाहिजे.

Geeta Updesh: कठीण काळात तुमच्या प्रार्थनांना भगवंत देतो ‘असा’ प्रतिसाद; वाचा गीतेतील काही महत्त्वपूर्ण विचार

कर्म करत राहा!

श्रीमद भागवत गीतेनुसार, कोणतेही काम फळाची इच्छा न ठेवता केले पाहिजे. जर तुम्हाला कोणत्याही कामात यश मिळवायचे असेल, तर फक्त तुमच्या कृतीवर लक्ष केंद्रित करा. कारण, तुमच्या मनातील निकालाची इच्छा तुम्हाला तुमच्या ध्येयापासून दूर करू शकते. गीतेमध्ये असे लिहिले आहे की माणसाने कधीही त्याच्या कर्मावर संशय घेऊ नये. असे केल्याने व्यक्ती स्वतःचे नुकसान करते. त्यामुळे तुम्हाला यश मिळवायचे असेल, जे काही काम कराल ते पूर्ण आत्मविश्वासाने आणि कोणत्याही शंकांशिवाय पूर्ण करा.

आसक्ती टाळा

भगवान श्रीकृष्ण गीतेमध्ये म्हणतात की, एखाद्या व्यक्तीची कोणत्याही वस्तू किंवा व्यक्तीशी जास्त आसक्ती हे त्याच्या दुःखाचे आणि अपयशाचे कारण बनते. जास्त आसक्ती माणसामध्ये राग आणि दुःखाची भावना निर्माण करते. यामुळे तो आपल्या कामावर लक्ष केंद्रित करू शकत नाही. म्हणून माणसाने अती आसक्ती टाळावी. अन्यथा त्याचे नुकसान होऊ शकते.