Geeta Updesh : गीतेनुसार उत्तम माणूस बनण्यासाठी करा या ६ गोष्टींचा त्याग! जाणून घ्या

गीता जीवनातील धर्म, कर्म आणि प्रेमाचे धडे देते. गीता हे जीवनाचे संपूर्ण तत्वज्ञान आहे आणि त्याचे पालन करणारी व्यक्ती सर्वश्रेष्ठ आहे. भगवत गीताच्या मते, चांगला माणूस बनण्यासाठी काही गोष्टींचा त्याग करावा लागतो. जाणून घ्या चांगला माणूस बनण्यासाठी कोणत्या गोष्टीचा त्याग करावा.

जितात्मनः प्रशान्तस्य परमात्मा समाहितः।

शीतोष्णसुखदुःखेषु तथा मानापमानयोः।।

अर्थ - श्रीकृष्ण अर्जुनाला समजावून सांगतात की, ज्या व्यक्तीचा स्वत:वर ताबा असतो त्याच्यावर सुख-दु:ख, मान-अपमान यांचा प्रभाव पडत नाही. अशा लोकांनाच देवाचा आशीर्वाद मिळतो. स्वतःवर ताबा ठेवणे म्हणजे क्रोध, लोभ, आसक्ती आणि अहंकार यांसारख्या वाईट गोष्टींपासून दूर राहणे. कर्तव्यापासून पळ न काढणे आणि धर्माप्रमाणे वागणे हे माणसाचे उद्दिष्ट असले पाहिजे.

गीता उपदेशानुसार श्रीकृष्ण कोणत्या गोष्टीचा त्याग करायला सांगतात

श्रीकृष्णाने गीतेत म्हटले आहे की, उद्धटपणा, अहंकार, गर्व, क्रोध, कठोरपणा आणि अज्ञान ही सर्व राक्षसी लक्षणे आहेत. या गोष्टींचा त्याग करूनच माणूस चांगला माणूस बनू शकतो.

Geeta Updesh : कोणत्या क्षणाचा अनुभव म्हणजे जीवन? जाणून घ्या गीता उपदेशात श्रीकृष्ण काय म्हणतात...

गीतेत लिहिले आहे की, जे स्पष्टपणे आणि थेट बोलतात ते कठोर असू शकतात, परंतु ते कधीही कोणाची फसवणूक करत नाहीत.

गीतेत लिहिले आहे, चांगले विचार ठेवा, लोक आपोआपच तुम्हाला आवडू लागतील, चांगले हेतू ठेवा आणि काम आपोआपच व्हायला सुरुवात होईल.

श्रीमद भागवत गीतेमध्ये सांगितले आहे की, जीवनात तीन मंत्रांचे नेहमी स्मरण करावे. आनंदात कोणाला वचन देऊ नका, रागात उत्तर देऊ नका आणि दुःखात कोणताही निर्णय घेऊ नका.

श्रीकृष्णाच्या मते क्रोध हा वाईट स्वभाव आहे पण तो आवश्यक तिथे दाखवला पाहिजे. अन्यथा चूक करणाऱ्याला आपण काही चुकीचे करत आहोत हे कधीच कळणार नाही. अशा स्थितीत तो तुमच्याशी नेहमी तसाच वागेल.

गीतेत म्हटले आहे की, प्रारब्ध हे आपल्या भूतकाळातील कर्माचे फळ आहे. त्याचप्रमाणे आज आपण करत असलेली कृती आपला उद्या ठरवेल.