Geeta Updesh : भगवान श्रीकृष्णाने सांगितलेल्या ‘या’ ५ गोष्टी कायम ठेवा लक्षात; आयुष्यात येईल आनंदाची लाट!

Geeta Updesh In Marathi : हिंदू धर्मातील एक महत्त्वाचा ग्रंथ म्हणजे श्रीमद्भगवद्गीता. या ग्रंथात भगवान श्रीकृष्ण आणि अर्जुन यांच्यातील संवादाचे तपशीलवार वर्णन आहे. महाभारताच्या युद्धापूर्वी भगवान श्रीकृष्णाने अर्जुनाला गीतेचा उपदेश केला होता. यात एकूण १८ अध्याय आणि ७०० श्लोक आहेत, जे संस्कृत भाषेत लिहिले गेले होते. आता त्याचे अनेक भाषांमध्ये भाषांतर केले गेले आहे. कुरुक्षेत्राच्या रणांगणात भगवान श्रीकृष्णाने अर्जुनाला गीतेचा उपदेश केला होता, जेव्हा तो आपल्या नातेवाईक आणि गुरुंविरुद्ध लढण्यापूर्वी नैतिक संकटात होता. आपल्या प्रियजनांना युद्ध भूमीत पाहून अर्जुन अत्यंत दुःखी आणि व्याकूळ झाला होता. यावर श्रीकृष्णाने अर्जुनाला गीतेचे ज्ञान दिले. तेव्हा भगवान श्रीकृष्णांनी अर्जुनाला समजावून सांगितले की, राज्याला सर्वोत्तम राजा देणे आणि अन्याय थांबवणे हे त्याचे कर्तव्य आहे. श्रीकृष्णाने अर्जुनाला हे देखील शिकवले की, काम करणे हे मनुष्याचे कर्तव्य आहे, परंतु त्याच्या परिणामाची चिंता करणे नाही. अर्जुनाला आपल्या विश्व रूपाचे दर्शन देऊन भगवंताने हे दाखवून दिले की, तोच विश्वाचा निर्माता आणि नियंत्रक आहे आणि सर्व काही त्याच्या नियंत्रणाखाली आहे. यानंतर महाभारताचे हे युद्ध १८ दिवस चालले आणि शेवटी पांडवांनी कौरवांवर विजय मिळवला. आजच्या लेखात आम्ही तुम्हाला गीता प्रवचनात नमूद केलेल्या काही गोष्टी सांगणार आहोत.