Geeta Updesh : कोणत्या परिस्थितीत माणसाने कसं वागावं? भगवान श्रीकृष्णाने गीतेत काय सांगितलंय वाचा...

Geeta Updesh In Marathi : आपण सर्वजण लहानपणापासून श्रीमद्भगवद्गीता वाचत आलो आहोत . शालेय अभ्यासक्रमातही याचा समावेश करण्यात आला आहे, जेणेकरून मुलांना गीतेच्या शिकवणीबद्दल काही माहिती मिळू शकेल. यात एकूण १८ अध्याय आणि ७०० श्लोक आहेत, जे संस्कृत भाषेत लिहिलेले आहेत. आता त्याचे अनेक भाषांमध्ये भाषांतर झाले आहे. कुरुक्षेत्राच्या रणांगणात आपल्या कुटुंबातील सदस्य, गुरू आणि मित्रांना युद्धासाठी तयार झालेले पाहून अर्जुन व्यथित झाला आणि युद्ध करण्यास नकार दिल्यावर भगवान श्रीकृष्णाने त्याला जीवनातील विविध पैलू, कर्तव्य आणि धर्म यांचे ज्ञान दिले. भगवान श्रीकृष्णाने अर्जुनाला सांगितले की, आत्मा जन्म घेत नाही आणि मरत नाही. आत्मा अविनाशी आणि अमर आहे. ज्याप्रमाणे जुने कपडे टाकून नवे कपडे घातले जातात, त्याप्रमाणे मृत्यू म्हणजे केवळ आत्म्याचं शरीर बदलणे होय. कर्तव्य बजावणे हाच खरा मनुष्य धर्म असल्याचेही ते म्हणाले. यामध्ये मोक्षप्राप्तीचे मार्ग देखील सांगितले आहेत. चला सविस्तर जाणून घेऊया… गीतेच्या शिकवणीनुसार संकट आल्यावर प्रामाणिक राहा, संपत्ती आल्यावर साधे राहा, अधिकार मिळाल्यावर नम्र व्हा आणि राग आल्यावर शांत राहा, यालाच जीवनाचे व्यवस्थापन म्हणतात.