Geeta Updesh: कठीण काळात तुमच्या प्रार्थनांना भगवंत देतो ‘असा’ प्रतिसाद; वाचा गीतेतील काही महत्त्वपूर्ण विचार

भगवतगीतेतील महत्त्वाचे विचार...

> गीतेच्या उपदेशानुसार, कठीण प्रसंगी जेव्हा मनातून ‘सर्व काही ठीक होईल’ असा मृदू आवाज येतो, तेव्हा तो आवाज देवाचा असतो. त्यामुळे कितीही कठीण प्रसंग आला, तरी धीर धरा कारण यावेळी देव तुमच्या पाठीशी आहे.

> श्रीकृष्ण गीतेमध्ये सांगतात की, वाढत्या वयासोबत प्रत्येक व्यक्तीला लक्षात येते की, त्याने कोणत्या गोष्टींना महत्त्व दिले पाहिजे आणि कोणत्या नाही. काही काळानंतर एखाद्या व्यक्तीला कळते की, त्याने अशा लोकांना अनावश्यक महत्त्व दिले होते, ज्यांचे त्याच्या आयुष्यात कोणतेही योगदान नव्हते.

Geeta Updesh: 'चांगल्यासोबत चांगले वर्तन करा, आणि वाईटासोबत..', गीतेमधील 'ही' शिकवण प्रत्येकाला माहितीच हवी

> जेव्हा जेव्हा तुमचे मन अस्वस्थ असेल, तेव्हा दीर्घ श्वास घ्या आणि तुमचे सर्व त्रास, संकटे आणि समस्या भगवंताच्या चरणी अर्पण करा. कारण जीवनातील सर्व समस्या भगवंताच्या चरणी संपतात.

> श्रीकृष्ण गीतेत म्हणतात की, प्रत्येक व्यक्तीने आपल्या रागावर नियंत्रण ठेवावे. जेव्हा एखाद्या व्यक्तीला राग येतो, तेव्हा तो स्वतःवरचा ताबा गमावतो आणि रागाच्या भरात चुकीच्या गोष्टी करतो.

> गीतेच्या मते, जीवनात कोणताही निर्णय कधीही रागाच्या भरात घेऊ नये. कारण, रागाच्या भरात घेतलेले निर्णय अनेकदा चुकीचे असतात. एखाद्या व्यक्तीला या निर्णयांचा नंतर खूप पश्चाताप होतो. त्यामुळे राग आला तरी शांत राहण्याचा प्रयत्न करा.

> श्रीकृष्ण म्हणतात, मनुष्याला त्याच्या कर्माचे फळ मिळते. म्हणून, व्यक्तीने परिणामांचा विचार न करता केवळ योग्य कृतींवर लक्ष केंद्रित केले पाहिजे.

> श्रीकृष्ण गीतेत सांगतात की, प्रत्येक व्यक्तीचे भाग्य हे त्याच्या भूतकाळातील कर्माचे फळ असते. आज आपण केलेली कृती तुमचा उद्याचा दिवस ठरवेल. म्हणून माणसाने नेहमी सत्कर्म केले पाहिजेत.