Geeta Updesh: योग्य वेळ येताच तुमच्या आयुष्यात येतील योग्य लोक! अर्जुनाला श्रीकृष्ण नेमकं काय म्हणाले?

श्रीकृष्णाने गीतेत म्हटले आहे की, जेव्हा योग्य वेळ येते तेव्हा देव तुमची योग्य लोकांशी ओळख करून देतो. अशा लोकांमुळेच तुम्ही तुमच्या आयुष्यात पुढे जाता. प्रेमाचा अर्थ कुणाला शोधणे नसून त्याच्यात हरवून जाणे असा आहे, असे गीतेत सांगण्यात आले आहे. श्रीकृष्ण म्हणतात की, प्रेमात त्याग करावा लागतो. प्रेम हिसकावून घेण्याची किंवा मागून मिळवली जाणारी गोष्ट नाही, तर प्रेम म्हणजे त्याग आहे. 

Geeta Updesh: आई-वडिलांशिवाय श्रेष्ठ कोणताही देव नाही! भगवद्गीतेत श्रीकृष्णाने दिलीय ‘ही’ महत्त्वाची शिकवण

महत्त्वाचे निर्णय स्वतः घ्या!

कोणत्याही व्यक्तीशी जास्त आसक्त होऊ नये. कारण जास्त आसक्ती हानिकारक ठरते. जास्त आसक्ती माणसाला अपेक्षेकडे घेऊन जाते आणि नंतर ही अपेक्षा दुःखाचे कारण बनते. श्रीकृष्ण म्हणतात की आपल्या जीवनाशी संबंधित सर्व महत्त्वाचे निर्णय आपण स्वतःच घेतले पाहिजेत. कारण, माणसाला नंतर पश्चाताप होत नाही. तुमचा निर्णय चुकीचा असला, तरी त्यामुळे तुमचा अनुभव वाढतो. गीतेत सांगितले आहे की, व्यक्तीने तामसिक आणि असंयमी आहारापासून स्वतःला दूर ठेवावे. अशा अन्नामुळे मनात अस्वस्थता आणि सदोष विचार निर्माण होतात, ज्यामुळे विचार विकृत होतो.

देवावरील विश्वास ढळू देऊ नका!

गीतेमध्ये श्रीकृष्ण म्हणतात की, तुमच्याशी कितीही कपट झाले असेल, तरी भगवंताचा आशीर्वाद तुमच्यापासून कोणीही हिरावून घेऊ शकत नाही. त्यामुळे लाखो संकटांचा सामना करूनही ईश्वरावरील विश्वास गमावू नये. भगवद्गीतेत श्रीकृष्णाने सांगितले आहे की, जे बदलता येत नाही ते स्वीकारले पाहिजे. याच्या मदतीने माणूस आपले जीवन आनंदाने जगू शकतो. आनंदी राहण्याचा मूळ मंत्र म्हणजे, जे काही तुमच्या नियंत्रणाबाहेर आहे ते आवर्जून करणे. त्याचे फळ देवावर सोडले पाहिजे, कारण वेळेआधी कुणालाच काहीही मिळालेले नाही. तुमच्या नशिबात जे काही लिहिले आहे, त्यापेक्षा जास्त तुम्हाला काही मिळत नाही. सुख असो वा दु:ख, इतकंच घ्यावं लागतं म्हणून मनात समाधान कायम ठेवा. यामुळे तुम्हाला कधीही त्रास होणार नाही.