Geeta Updesh: ‘या’ गोष्टी आहेत आयुष्यात सगळ्यात महत्त्वाच्या! जाणून घ्या भगवान श्रीकृष्ण काय म्हणतात?

जीवनात ‘या’ गोष्टी आहेत महत्त्वाच्या!

> श्रीमद भागवत गीतेनुसार माणसाने नेहमी त्याच्या स्वभावानुसार काम आणि उपजीविका निवडली पाहिजे. नेहमी ते काम निवडा, जे तुम्हाला आनंद देईल. माणसाने नेहमी त्याच्या स्वभावानुसार आणि क्षमतेनुसार काम केले पाहिजे.

> गीतेतील शिकवणीनुसार, काम करताना व्यक्तीने भूतकाळाचा विचार करू नये आणि भविष्याची चिंता करू नये. श्रीमद भागवत गीतेनुसार या वेळी जे कार्य तुमच्या हातात आहे, तेच श्रेष्ठ आहे. म्हणजेच, सध्याच्या कृतीपेक्षा काहीही चांगले नाही, म्हणून ती आपल्या क्षमतेनुसार केली पाहिजे.

Nag Panchami : नागलोकाचे रहस्य! या प्राचीन मंदिरात भगवान शंकरासोबत नागाचीही होते विशेष पूजा

> भगवान श्रीकृष्ण गीतेत म्हणतात की, हे अर्जुन, माझा विचार करू नकोस आणि तू फक्त तुझे काम कर. काम सोडून नुसते भगवंताचे नामस्मरण करणे व्यावहारिक नाही. जीवन कर्माशिवाय अस्तित्वात नाही. कृतीतूनच माणूस यश मिळवू शकतो.

> जिज्ञासा असलेल्या व्यक्तीलाच शिक्षण आणि ज्ञान प्राप्त होते, असे गीतेत म्हटले जाते. व्यक्तीला आदराने प्रश्न विचारून ज्ञान मिळवता येते. एखादी व्यक्ती जेव्हा त्याचे कुतूहल व्यक्त करते, तेव्हाच ज्ञान प्राप्त होते. धर्मग्रंथात काय लिहिले आहे, गुरुची शिकवण आणि अनुभव यांचा योग्य मिलाफ करून ज्ञान प्राप्त होते.

अध्यात्मात रमून मनुष्य सुंदर जीवन जगू शकतो!

महाभारताचे युद्ध सुरू होण्यापूर्वी अर्जुनाने आपले धनुष्य टाकून माघार घेण्याचा विचार केला होता. युद्धाच्या रणांगणात आपल्या विरोधात आपलेच आप्तस्वकीय आहेत, त्यांच्याविरोधात शस्त्र कसे उचलायचे, असे वाटून अर्जुन हताश झाला होता. त्याने आपल्या नातेवाईकांशी युद्ध करण्यास नकार दिला होता. त्यानंतर भगवान श्रीकृष्णाने गीतेचे ज्ञान अर्जुनाला दिले. भगवद्गीतेमध्ये १८ अध्याय आणि ७२० श्लोक आहेत. गीतेतील शिकवण लोकांना चांगली व्यक्ती बनण्यास मदत करतात. जेव्हा या विचारांचे जीवनात पालन केले जाईल, तेव्हा माणूस शांततेने आणि अध्यात्मात रमून आपले सुंदर जीवन जगू शकतो.