Geeta Updesh: जीवनात नेहमी यश प्राप्त करायचंय? मग भगवान श्रीकृष्णाने सांगितलेल्या ‘या’ गोष्टी नेहमी लक्षात ठेवा!
Geeta Updesh In Marathi: श्रीकृष्ण म्हणतात की, प्रतिकूल परिस्थितीचा सामना करण्यासाठी रणनीती आवश्यक आहे. गीता आपल्याला काम करण्याची आणि आयुष्यात पुढे जाण्याची प्रेरणा देते.
Geeta Updesh In Marathi: गीता हा हिंदू धर्मातील एक पवित्र ग्रंथ आहे आणि त्यात दिलेली शिकवण आपल्या सर्वांच्या जीवनासाठी खूप महत्त्वाची आहे. श्रीमद्भागवत गीतेमध्ये भगवान कृष्णाच्या शिकवणीचे वर्णन आहे, जे त्यांनी महाभारत युद्धाच्या वेळी अर्जुनला दिले होते. गीतेत १८ अध्याय आणि ७०० श्लोक आहेत, ज्यामध्ये धर्माच्या मार्गाने कृती करण्याची शिकवण देण्यात आली आहे. मनुष्याला त्याच्या सर्व समस्यांचे समाधान भगवद्गीतेमध्ये मिळू शकते. असे मानले जाते की, गीतेच्या शिकवणीचे पालन केल्याने जीवन बदलते आणि व्यक्तीला प्रत्येक कामात यश मिळते. यासोबतच गीतेमध्ये काही यशाचे मंत्र देखील सांगितले आहेत, ज्याचे तुम्ही जीवनात आचरण करू शकता. गीता काम करण्याची आणि आयुष्यात पुढे जाण्याची प्रेरणा देते.
मनावर नियंत्रण ठेवा
श्रीकृष्ण म्हणतात की, कधी कधी आपले मन आपल्या दु:खाचे कारण बनते. गीतेच्या मते, ज्या व्यक्तीने आपल्या मनावर प्रभुत्व मिळवले आहे आणि त्यावर नियंत्रण ठेवण्याची कला आत्मसात केली आहे, तो मनात उद्भवणाऱ्या अनावश्यक चिंता आणि इच्छांपासून दूर राहतो. यामुळे व्यक्ती आपले ध्येयही सहज साध्य करतो.
Geeta Updesh : या गोष्टी चुकूनही करू नका, नाही तर विनाश अटळ आहे! गीता उपदेशात श्रीकृष्ण म्हणतात...
रागावर नियंत्रण ठेवा
राग हे माणसाच्या वाईट काळाचे कारण असते, असे म्हणतात. रागाच्या भरात कोणतीही व्यक्ती स्वतःवरील ताबा गमावून बसते आणि रागाच्या भरात चुकीच्या गोष्टी करते. कधी कधी रागावलेला माणूस स्वतःचे नुकसान करतो आणि रागामुळे आपण अनेकदा अशा गोष्टी बोलतो, ज्यामुळे आपले नाते बिघडते. रागाला स्वतःवर वर्चस्व गाजवू देऊ नये. श्रीकृष्णाने गीतेत सांगितले आहे की, जर तुम्हाला राग आला तर शांत राहण्याचा प्रयत्न करा.
परिणामांची इच्छा न ठेवता काम करत राहा
गीतेतील श्रीकृष्णाच्या शिकवणुकीनुसार मनुष्याने परिणामाची किंवा फळाची इच्छा सोडून आपल्या कामावर लक्ष केंद्रित केले पाहिजे, कारण मनुष्य जे कार्य करतो त्यानुसार त्याचे फळ मिळते. म्हणूनच कर्मयोगी व्यक्तीने कधीही परिणामांची चिंता करू नये.
स्वाभिमान महत्वाचा
श्रीकृष्णाच्या मते, स्वत:हून अधिक चांगल्या व्यक्तीला कोणीही ओळखू शकत नाही, म्हणून स्वत:चे मूल्यमापन करणे अत्यंत आवश्यक आहे. गीता सांगते की, जो माणूस स्वतःची बलस्थाने आणि कमकुवतपणा जाणतो तो आपल्या व्यक्तिमत्त्वाला आकार देऊन कोणत्याही कामात यश मिळवू शकतो.
