Geeta Updesh: भगवान श्रीकृष्णाने सांगितलेल्या ‘या’ गोष्टी नेहमी ठेवा लक्षात, आयुष्यात येईल सुखच सुख!

या ‘५’ गोष्टी लक्षात ठेवा!

> गीतेच्या शिकवणीनुसार माणसाने नेहमी राग आणि अहंकार टाळला पाहिजे. भगवान श्रीकृष्णाने अर्जुनला सांगितले आहे की, क्रोध हा मनुष्याचा सर्वात मोठा शत्रू आहे. क्रोधाने बुद्धीचा नाश होतो आणि जेव्हा बुद्धीचा नाश होतो, तेव्हा माणूस आपले कर्तव्य नीट पार पाडू शकत नाही. क्रोधामुळे, व्यक्ती स्वतःवर नियंत्रण गमावते, ज्यामुळे तो स्वतःचे नुकसान करतो.

> गीतेच्या शिकवणीनुसार, जीवनात घेतलेले निर्णय आणि कृती आपले भविष्य घडवतात. यासाठी माधव अर्जुनला सांगतात की, आयुष्यात योग्य वेळी योग्य निर्णय घेणे खूप महत्वाचे आहे. कारण आयुष्य एका मिनिटात बदलत नाही, पण एका मिनिटात विचार करून घेतलेला निर्णय संपूर्ण आयुष्य बदलून टाकतो.

Geeta Updesh: मनुष्याची गरज बदलली की ‘ही’ गोष्ट देखील बदलते! श्रीकृष्णाने गीतेत नेमकं काय म्हटलंय?

> गीतेच्या शिकवणीनुसार, एखाद्या मुलाला भेटवस्तू दिली नाही तर तो काही काळ रडतो, परंतु जर त्याला संस्कार दिले नाहीत तर तो आयुष्यभर रडतो. आपण आपले कर्तव्य बजावले पाहिजे. मुलांनी जीवनात आपली कर्तव्ये पार पाडली पाहिजेत हे शिकवणे, त्यांचे जीवन योग्य दिशेने नेण्यासाठी आवश्यक आहे.

> गीतेच्या शिकवणुकीनुसार, आपली विचारसरणी, आपली वागणूक आणि आपली कृती, देव नव्हे तर आपले भाग्य लिहितो. भगवान श्रीकृष्णाने अर्जुनला समजावून सांगितले की, माणसाचे कर्म त्याचे भाग्य ठरवते.

> गीतेच्या शिकवणीनुसार वडिलांनी रागे भरलेला मुलगा, गुरूंनी शिकवण दिलेला शिष्य आणि सोनाराने ठोकून काढलेले सोने हे नेहमीच दागिने बनतात. सोने वितळल्याशिवाय आणि नीट फेटल्याशिवाय ते सुंदर दागिन्यांमध्ये बदलत नाही.