Geeta Updesh: गीता उपदेशानुसार दानशूर कर्णाकडून आवर्जून शिकाव्यात ‘या’ गोष्टी, जीवनात मिळेल सन्मान!
Geeta Updesh In Marathi: भगवंत स्वतः सांगतात की, कर्णाकडून काही गोष्टी आवर्जून शिकायला हव्या, ज्यामुळे तुमचे जीवन यशस्वी होऊ शकते. यामुळे तुम्हाला समाजात मान-प्रतिष्ठाही मिळू शकते.
Geeta Updesh In Marathi: भगवद्गीतेत भगवान श्रीकृष्ण आणि अर्जुन यांच्यातील संवादाचे तपशीलवार वर्णन आहे. याद्वारे भगवंताने आपले वैश्विक रूप प्रकट करून अर्जुनच्या मनातील समस्या सोडवली होती. त्यानंतर धर्म आणि अधर्माची ही लढाई झाली, ज्यामध्ये कौरवांवर पांडवांचा विजय झाला. गीतेमध्ये सांगितलेल्या गोष्टींचा अवलंब करणारा प्रत्येक माणूस चांगला माणूस बनतो. भगवंताने सांगितले आहे की, कोणत्याही परिणामाची इच्छा न करता तुम्ही तुमचे कर्म करत राहा. त्याचे परिणाम तुम्हाला एक ना एक दिवस नक्कीच मिळतील. जिथे जिथे महाभारताचा उल्लेख आहे, तिथे कौरव आणि पांडवांव्यतिरिक्त दानशूर कर्णाचाही उल्लेख आहे. भगवंत स्वतः सांगतात की, कर्णाकडून काही गोष्टी आवर्जून शिकायला हव्या, ज्यामुळे तुमचे जीवन यशस्वी होऊ शकते. यामुळे तुम्हाला समाजात मान-प्रतिष्ठाही मिळू शकते.
कर्णाकडून शिकाव्यात ‘या’ गोष्टी!
> परोपकारी कर्णाविषयी श्रीमद्भगवद्गीतेमध्ये सांगितले आहे की, पराभव निश्चित असला तरी विजयासाठी प्रयत्नशील राहणे अत्यंत आवश्यक आहे. कर्णाला आधीच माहित होते की, युद्ध हे धर्म आणि अधर्म यांच्यात आहे आणि कौरव अधर्मी आहेत, त्यामुळे पांडवांचा विजय निश्चित आहे. हे माहीत असूनही त्याने त्याचा मित्र दुर्योधनाला साथ दिली. यावरून हे सिद्ध होते की जर तुम्ही कोणाशी एकनिष्ठ असाल आणि कोणी तुमच्यावर आंधळा विश्वास ठेवत असेल, तर त्याचा विश्वास कधीही तोडू नका.
Geeta Updesh: जीवनात एकाग्र आणि यशस्वी व्हायचंय? मग श्रीकृष्णाच्या ‘या’ शिकवणींचा अवलंब आजपासूनच करा!
> माणसाने नेहमी दानशूर कर्णाकडून शिकले पाहिजे की, प्रतिकूल परिस्थितीत स्वतःला खचू देऊ नये. कारण जेव्हा भगवान श्रीकृष्णाने त्याला सांगितले की, तू कुंतीचा पुत्र आहे, तेव्हाही त्याने स्वतःवर नियंत्रण ठेवले आणि आपल्या निश्चयावर ठाम राहून पांडवांशी युद्ध केले.
> जीवनात प्रत्येक व्यक्तीने दानवीर कर्ण याच्याकडून शिकले पाहिजे की, नेहमी आपल्या मित्राशी प्रामाणिक राहावे. कितीही कठीण परिस्थिती आली तरी, कर्ण सदैव दुर्योधनाच्या पाठीशी उभा राहिला. हीच मैत्रीची खरी ओळख आहे. म्हणून जर एखाद्याशी मैत्री ठेवली, तर कर्णासारखी मैत्री ठेवा.
> माणसाने दानवीर कर्णाकडून शिकले पाहिजे की, केवळ शिक्षणच नाही तर, शिक्षण देणाऱ्या शिक्षकाचाही आदर केला पाहिजे. कारण आई-वडिलांनंतर योग्य मार्ग दाखवणारा एकच शिक्षक असतो. तुमच्या आयुष्यात यशस्वी होण्यासाठी तुम्हाला मदत करतो.