Geeta Updesh: गीतेमधील 'या' ५ गोष्टी वाचल्यास बदलेले आयुष्य, होईल भरभराटी
Geeta Updesh In Marathi:भगवान श्रीकृष्णाने अर्जुनाद्वारे जगाला गीतेचा उपदेश दिला होता. महाभारत युद्धाच्या रणांगणावर जेव्हा अर्जुनाची पावले डगमगू लागली तेव्हा श्रीकृष्णाने त्याला गीतेचा उपदेश दिला.
Geeta Updesh In Marathi: श्रीमद भागवत गीतेमध्ये भगवान श्रीकृष्णाच्या शिकवणुकीचे वर्णन आहे. भगवान श्रीकृष्णाने अर्जुनाद्वारे जगाला गीतेचा उपदेश दिला होता. महाभारत युद्धाच्या रणांगणावर जेव्हा अर्जुनाची पावले डगमगू लागली तेव्हा श्रीकृष्णाने त्याला गीतेचा उपदेश दिला. श्रीकृष्णाची शिकवण ऐकून अर्जुन आपले ध्येय साध्य करण्याच्या दिशेने वाटचाल करू लागला. जीवनातील प्रत्येक समस्येचे समाधान गीतेत असल्याचे सांगितले जाते.
गीतेत सांगितलेले श्रीकृष्णाचे शब्द आजही आयुष्यात पुढे जाण्याची प्रेरणा देतात. अशा वेळी कोणत्याही समस्येचे निराकरण करण्यासाठी आणि जीवनात यश मिळविण्यासाठी गीतेच्या काही गोष्टी लक्षात ठेवणे गरजेचे आहे. असे मानले जाते की जो कोणी गीतेच्या या ५ गोष्टी आपल्या आयुष्यात लक्षात ठेवतो त्याला प्रत्येक कार्यात नक्कीच विजय प्राप्त होतो. ही गीतेची अनमोल शिकवण आहे, जी जीवनाचा नवा मार्ग दाखवते. तुम्हाला नव्याने आयुष्य जगायला शिकवते.
आत्मपरीक्षण-
श्रीकृष्णाच्या म्हणण्यानुसार, आपल्याला स्वतःहून अधिक चांगल्याप्रकारे कोणीही ओळखू शकत नाही. म्हणून स्वतःचे मूल्यमापन करणे खूप महत्वाचे आहे. गीतेमध्ये सांगितले आहे की, जो माणूस स्वतःचे गुण आणि उणीवा ओळखतो तो समाजात स्वतःचे व्यक्तिमत्व घडवून प्रत्येक कामात यश मिळवू शकतो. त्यामुळे आत्मपरीक्षण महत्वाचे आहे.
परिणामांची इच्छा सोडून कृतीवर लक्ष केंद्रित करणे-
गीतेमध्ये श्रीकृष्णाने सांगितले आहे की, मनुष्याने परिणामाची इच्छा सोडून आपल्या कामावर लक्ष केंद्रित केले पाहिजे. माणूस जे काही काम करतो, त्याला त्यानुसार फळ मिळते. म्हणून माणसाने सत्कर्म करत राहिले पाहिजे. चांगल्या गोष्टीचे फळ नेहमीच चांगले असते.
मनावर नियंत्रण-
गीता उपदेशानुसार, आपले मन हेच आपल्या दु:खाचे कारण आहे. अशा स्थितीत श्रीकृष्णाने गीतेमध्ये सांगितले आहे की, ज्या व्यक्तीने आपल्या मनावर ताबा ठेवला आहे, तो मनातील अनावश्यक चिंता आणि इच्छांपासून दूर राहतो. शिवाय, असा व्यक्ती आपले ध्येयदेखील सहज साध्य करू शकतो.
प्रत्येक गोष्टीत स्पष्ट दृष्टी असावी-
गीतेनुसार, व्यक्तीने संशय किंवा संशयाच्या स्थितीत राहू नये. जे लोक संशयाच्या स्थितीत राहतात ते काही चांगले करू शकत नाहीत. जीवनात नेहमीच स्पष्ट दृष्टी असावी. अशाने तुम्हाला यश मिळवणे सोपे होते.
रागावर नियंत्रण ठेवा-
गीतेवर, रागाच्या भरात एखादी व्यक्ती स्वतःवरील नियंत्रण गमावते आणि रागाच्या भरात चुकीच्या गोष्टी करते. कधीकधी रागावलेली व्यक्ती स्वतःचे नुकसान देखील करते. गीतेत श्रीकृष्णाने सांगितले आहे की, रागाला स्वतःवर वर्चस्व गाजवू देऊ नये. तुम्हाला राग येत असेल तर स्वतःला शांत ठेवण्याचा प्रयत्न करा. नाहीतर सर्व गोष्टी बिघडू शकतात.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)