Ganga Saptami 2024 : यंदा गंगा सप्तमी कधी साजरी केली जाईल? जाणून घ्या तारीख, शुभ मुहूर्त आणि महत्त्व

गंगा सप्तमीच्या दिवशी गंगा मातेची पूजा करण्याची विशेष परंपरा आहे. यासोबतच या दिवशी गंगा स्नान करणे देखील पुण्यकारक मानले जाते. चला तर मग जाणून घेऊया या वर्षी गंगा जयंती कधी साजरी होणार आहे आणि तिचे महत्त्व आणि पूजेची वेळ काय आहे.

Varuthini Ekadashi 2024 : काय आहे वरुथिनी एकादशीचे महत्त्व? कशी मिळते पापातून मुक्ती? वाचा संपूर्ण कथा

यंदा गंगा सप्तमी कधी?

हिंदू कॅलेंडरनुसार, वैशाख महिन्यातील शुक्ल पक्षातील सप्तमी तिथी १३ मे २०२४ रोजी सायंकाळी ५.२० वाजता सुरू होईल, तर सप्तमी तिथी १४ मे २०२४ रोजी सायंकाळी ६.४९ वाजता संपेल. यावर्षी १४ मे २०२४ रोजी गंगा सप्तमी साजरी होणार आहे.

गंगा सप्तमीचे महत्त्व

असे म्हटले जाते की गंगा सप्तमीच्या दिवशी गंगा नदीत स्नान केल्याने व्यक्तीच्या जीवनातील सर्व समस्या दूर होतात आणि जीवनात समृद्धी प्राप्त होते. शिवाय आरोग्यही सुधारते. परंतु जर गंगा नदीत स्नान करणे तुम्हाला शक्य नसेल, तर तुम्ही स्नानाच्या पाण्यात गंगाजलाचे काही थेंब टाकून गंगा नदीत स्नान करण्याचा लाभ मिळवू शकता. याचे शुभ परिणाम तुम्हाला मिळतील.

Gemstones : तुमच्या राशीनुसार हे रत्न धारण करा, भाग्य उजळेल, आर्थिक भरभराट होईल, जाणून घ्या

गंगा सप्तमीच्या दिवशी गंगापूजेसोबतच दानधर्म करण्याचेही विशेष महत्त्व आहे. यामुळे व्यक्तीला जीवनात सर्व प्रकारच्या सुखसोयी मिळतात.

गंगा सप्तमीला ही वस्तू घरी आणा

असे म्हटले जाते की गंगा सप्तमीच्या दिवशी गंगाजल घरी आणावे. जे लोक असे करतात त्यांच्या घरातून ग्रह आणि वास्तु दोष दूर होतात. यासोबतच सकारात्मक ऊर्जेचा संचार होतो. या व्यतिरिक्त यामुळे घरातील वातावरण शुद्ध होते आणि घरात सुख-समृद्धी टिकून राहते, परंतु हे लक्षात ठेवा की गंगाजल केवळ पूजा खोलीत स्थापित केले पाहिजे.

गंगा सप्तमीची पूजा मंत्र

ओम नमो गंगाय विश्वरूपिणी नारायणी नमो नम:

गंगा गंगेति यो ब्रुयात, योजनां शतैरपी. मुच्यते सर्वपापभ्यो, विष्णु लोके सा गच्छति

(डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)े